konka coffee
KONKA

AMAKURU

UKWEZI

Abageni bo mu Buhinde bahawe inkoni umurundo bazajya bakubita abagabo babo

Abageni bo mu Buhinde bahawe inkoni umurundo bazajya bakubita abagabo babo
2-05-2017 saa 10:54' | By Chief Editor | Yasomwe n'abantu 7102 | Ibitekerezo 2

Guverinoma y’igihugu cy’u Buhinde, ibinyujije kuri Minisitiri muri Guverinoma y’iki gihugu, Gopal Bhargava, yahaye abageni inkoni nyinshi bazajya bakoresha birwanaho bakazikubita abagabo babo mu gihe bashatse kubahohotera. Inkoni zose hamwe Minisitiri Gopal Bhargava yatanze ni 10.000, ku ikubitiro zikaba zarahawe abageni 700 bari bakoze ubukwe mu gikorwa cyo gusezeranya muri rusange abaturage babyifuza cyabereye ahitwa Madya Pradesh.

Minisitiri Gopal Bhargava yabwiye aba bageni ko izi nkoni ari izo kwifashisha nk’intwaro igihe abagabo babo basinze bagashaka kubasagarira cyangwa bagashaka no kubakorera ihohoterwa mu buryo butandukanye. Kuri izo nkoni, handitseho amagambo agira ati: "Zigenewe gukubita abagabo b’abasinzi kandi Polisi ntizabikuziza".

Bhargava yabwiye aba bageni ko bazajya babanza bakagerageza gucisha macye no kumvikana n’abagabo babo, ariko baramuka binangiye bagashaka kubahohotera nabo bakabadukira bakabakubita kandi Polisi y’u Buhinde ntizigere ibibahanira.

Uyu munyepolitiki yavuze ko impamvu yakoze ibi ari uko yashakaga kugaragaza uburyo Leta y’u Buhinde idashobora kwihanganira uburyo abagore bo mu byaro bakubitwa n’abagabo babo bakanabahohotera mu buryo butandukanye kubera ubusinzi. Yavuze kandi ko bahora bumva ibirego by’abagore bavuga ko abagabo babo basinda bagahinduka nk’intare mu rugo, bakafata amafaranga urugo ruba rwarazigamye bakajya kuyanywera.

Uyu muyobozi kandi yavuze ko izi nkoni bahaye abageni bakaba bagomba no kuzajya baziha abandi bose bagiye gushyingirwa, atari zo zizatera abagore guhohotera abagabo ahubwo ngo ni ubwirinzi babahaye buzajya bubarinda kuba bahohoterwa n’abagabo babo.

Zimwe muri Leta zigize u Buhinde, mu myaka ishize zagiye zirwanya inzoga zikanabuza abantu bamwe na bamwe kuzicuruza kubera uburyo zigira uruhare runini mu ihohoterwa rikorerwa abagore, bitewe n’ubusinzi bw’abagabo babo.


INKURU ZA :
Tanga Igitekerezo
Ibitekerezo 2
Pacifique Kuya 19-05-2017

nibihangane pee

john Kuya 2-05-2017

ngaho, ntiruri hamwe. abagabo b’abahinde nibakomere twe abanyarwanda inkoni z’abagore twarazimenyereye.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...