konka coffee
KONKA

AMAKURU

UKWEZI

Abagore basaba abagabo babo gukubitwa inkoni nyinshi nk’ikimenyetso cy’urukundo - Amafoto

Abagore basaba abagabo babo gukubitwa inkoni nyinshi nk’ikimenyetso cy’urukundo - Amafoto
12-05-2017 saa 12:51' | By Vincent Nsengiyumva | Yasomwe n'abantu 7839 | Ibitekerezo

Agahugu umuco akandi uwako! Mu muco w’abagore bo mu bwoko bw’aba Hamar muri Ethiopia ntibisanzwe aho bisabira abagabo babo gukubitwa inkoni nyinshi mu rwego rwo kubereka ko babakunda urukundo rudasanzwe kandi ruhebuje.

Ibi abagore bo muri ubu bwoko babikora cyane cyane mu gihe bari mu birori byitwa Ukuli Bula bibahuriza hamwe maze hakaza kubaho umuhango wo kwitanga ku bakobwa n’abagore, maze abagabo babo bakabahata inkoni nyinshi ku buryo bacika ibisebe bigafatwa nko kwerekana urukundo rudasanzwe bakunda abatware babo.

Mu kibaya cya Omo River mu Majyepfo ya Ethiopia, niho aba bantu bo mu bwoko bwa Hamar bituriye. Aha hantu habera ibintu byinshi bitangaje ku buryo aba baturage biberaho n’abibera mu gihugu cyabo cyihariye bitewe n’umuco wabo.

Uyu muco wo kwitanga ku bagore maze abagabo babo bakabahata inkoni bawita Ukuli Bula aho iyi gahunda itajya ibura mu birori bibera mu kibaya cya Omo River mu Majyepfo ya Ethiopiya aho aba bantu bibera.

Abagore bo muri ubu bwoko batangarije umunyamakuru wa Daily Mail wahatemberereye ko biba ari iby’agaciro kuri bo imbere y’abagabo babo iyo babona bafite inkovu nyinshi ku mubiri wabo batewe no gukubitwa kuko bigaragaza urukundo rudasanzwe ruri mu muryango wabo.

Aba bagore kandi bashimangira ibi bavuga ko iyo umugore afite inkovu nyinshi yatewe no kwiha umugabo we ngo amukubitire mu ruhame, bituma abagabo babo babaha agaciro ku buryo iyo agize akabazo gato umugabo we amwumva byihuse akakamukemurira.

Mu gihe cy’ibirori kandi abakobwa bageze mu gihe cyo kurongorwa baba babukereye aho baba baje kwiha abasore bitabiriye ibyo birori ngo babakubite inkoni nyinshi kuko iyo umukobwa abonye umukubita biba bivuze ko ari nawe bazashakana kandi vuba cyane.

Mu muco w’aba bantu bo muri ubu bwoko bivuze ko nyuma y’ibi birori abasore babonye inkumi bahata ikiboko baba bemerewe guhita barongora.

Kugirango umusore wo muri ubu bwoko yemererwe kuba yashaka umugore agomba kuba yarakoze imwe mu mihango y’ingenzi irimo kwikatisha ( kwisiramuza) ndetse no kuba yarakoze igikorwa bafata nko kuva mu bwana aho bafata inka z’ibimasa bakazitondeka ku murongo maze akazigendera ku migongo yambaye ubusa, iyo yamaze gukora iyo mihango yombi aba yemerewe kuba yashaka umugore.

JPEG - 248.7 kb

Bakubitwa inkoni nyinshi kugira ngo berekane ko bakunda abagabo babo

JPEG - 196.7 kb

Abagore bo mu bwoko bwa Hamar mu birori bya ’Ukuli Bula’

JPEG - 215 kb

Uku niko abagabo bo muri ubu bwoko bambara iyo bitabiriye ibirori bya ’Ukuli Bula’

JPEG - 269.7 kb

Bakubitwa inkoni nyinshi bakihangana kuko baba bazi icyo bashaka

JPEG - 162.5 kb

Ni iby’igiciro kuri bo kwibonaho inkovu ku mibiri yabo batewe no gukubitwa n’abakunzi babo

JPEG - 213.9 kb
JPEG - 150.1 kb
JPEG - 206.9 kb
JPEG - 240.9 kb
JPEG - 236.6 kb
JPEG - 155.7 kb
JPEG - 130 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...