konka coffee
KONKA

AMAKURU

UKWEZI

Abyiruye abana 8 b’impanga batumye yishora mu gukina filime z’ubusambanyi - Amafoto

Abyiruye abana 8 b’impanga batumye yishora mu gukina filime z’ubusambanyi - Amafoto
13-09-2016 saa 14:59' | By Chief Editor | Yasomwe n'abantu 16939 | Ibitekerezo 1

Natalie Suleman bakunda kwita Nadya, yabaye icyamamare mu gukina filime z’ubusambanyi zizwi nka "Porno", akaba ari umubyeyi w’abana 14 kugeza ubu ariko muri abo, barimo ba bucura 8 bavutse ari impanga, ubu bakaba bafite imyaka 7 y’amavuko. Kubyara aba bana, nibyo byatumye yinjira muri uwo mwuga wo gukina amafilime y’ubusambanyi.

Mu kiganiro yagiranye na Daily Mail, yasobanuye uburyo aterwa isoni, ipfunwe n’ikimwaro n’ukuntu yagiye akina amafilime y’urukozasoni, ubu akaba abyicuza cyane. Avuga ko byatumye akoresha imiti izwi nka Xanax kugirango ijye imugabanyiriza ububabare bw’ingaruka yakuye muri izi filime z’ubusambanyi, kandi ikaba yarashoboraga kumuhitana iyo ataza kubihagarika muri 2013.

JPEG - 68.9 kb

Aha yari atwite inda y’abana 8 b’impanga

Uyu mugore w’imyaka 41 y’amavuko, nyuma yo kuva muri ibyo ubu icyo ashyize imbere ni ukwita ku bana 8 b’impanga afite, akabamurikira isi yose ikabona uburyo ari abana b’igitangaza. Mu mwaka wa 2009, nibwo Suleman yatwise hakoreshejwe uburyo butari ubwa kamere buzwi nka IVF, aho abaganga bafata intanga ngabo n’intanga ngore bakabivangira muri laboratwari hanyuma igi (embryo) bakarishyira muri nyababyeyi y’umugore.

JPEG - 251.7 kb

Aba bana bavutse ari 8 kandi bose barakuze kugeza ubu bafite ubuzima bwiza

Uyu mugore avuga ko icyo gihe yari afite abana 6 kandi yifuzaga undi mwana umwe gusa, gusa abaganga bakaba baramugiriye inama y’uko yashyirwamo amagi 12 kuko bari bafite ubwoba ko amenshi muri yo azahita yangirika. Byarangiye ariko atwise abyara abana umunani, ari bo Jonah, Nariyah, Josiah, Maliyah, Isaiah, Noah, Jeremiah na Makai.

JPEG - 238.5 kb

Kwita kuri aba bana bose kongeraho abandi 6 yari afite bose hamwe bakaba 14, byari ikibazo gikomeye kuri uyu mugore. Byatumye afata icyemezo cyo gukina filime y’ubusambanyi, akajya yifotoza yambaye ubusa akabikora mu buryo bwo kubibyaza amafaranga, akora n’ibindi bitandukanye ngo abana be batazandagara ku muhanda.

JPEG - 226.6 kb

Ibi yabikuyemo amafaranga menshi ariko avuga ko byamuhungabanyije. Agira ati: "Ibyo nakoze byose nabikoraga nshaka amafaranga ngo mbone ibitunga umuryango wanjye. Buri wese yakekaga ko mfite abantu bamfasha nyamara ntabo nari mfite, ninjye wirwanagaho nkishyura buri kantu kose.Nanyuze mu nzira y’umwijima ukabije."

Suleman avuga ko yanagiye yibagisha ahindura ibice by’umubiri we kugirango abashe gukomeza kumera neza mu buryo bwamwemereraga kwinjiza amafaranga menshi muri ibyo bikorwa by’urukozasoni. Yongeresheje amabere ndetse anibagisha iminwa kugirango akomeza kugaragara neza muri izo filime z’ubusasambanyi.

JPEG - 238.8 kb
JPEG - 182.9 kb
JPEG - 221.3 kb
JPEG - 159.2 kb
JPEG - 195.7 kb
JPEG - 112.8 kb
JPEG - 145.2 kb
JPEG - 172 kb
JPEG - 183.7 kb
JPEG - 279.2 kb

Uyu mugore n’aba bana be bakunda gukorana imyitozo ngororamubiri ibafasha gukomeza kugira ubuzima buzira umuze


INKURU ZA :
Tanga Igitekerezo
Ibitekerezo 1
umutoni Kuya 15-09-2016

Imana Iratangaje!! Iyagukoreye igitangaza nkiki Ikaguha abo bana ntabwo yananirwa kukubabarira. Kdi rwose yaragufashije abana ni beza cyane.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...