konka coffee
KONKA

AMAKURU

UKWEZI

Afurika y’Epfo: Abagabo 4 barashinjwa kurya inyama z’abantu

Afurika y’Epfo: Abagabo 4 barashinjwa kurya inyama z’abantu
22-08-2017 saa 08:56' | By Vincent Nsengiyumva | Yasomwe n'abantu 5129 | Ibitekerezo

Abagabo 4 bo muri Afurika y’Epfo bagejejwe mu nkiko kugira ngo biregure ku birego bashinjwa byo kurya inyama z’abantu.Nyuma y’uko aba bantu bagejejweho ubutumire bwo kujya kwiregura, umwe muri bo yahise ajya ku biro bya polisi avuga ko arambiwe kurya inyama z’abantu.

Akimara kubwira polisi aya magambo, uyu mugabo yahise ahatwa ibibazo maze yerekana ukuguru n’ukuboko k’umuntu,anahita ajyana n’abapolisi kwerekana inzu iri mu gace ka KwaZulu-Natal bakoreshaka nk’ububiko bw’imibiri myinshi y’abantu yari ibatunze.

Abo bagabo uko ari bane bashinwa kurya inyama z’abantu, babiri muri bo baherutse gutabwa muri yombi aho bakekwagaho icyaha cy’ubugizi bwa nabi ndetse no kwica maze bagezwa imbere y’urukiko rwa Estcourt ruri mu mujyi wa Durban.

Umuvugizi w’igipolisi muri Afurika y’Epfo yatangarije BBC ko aka gatsiko k’abagabo bane bari gukurikiranwa bose bafite imyaka hagati y’imyaka 22 kugeza kuri 35.Yanavuze ko iperereza kuri aba bagabo rikomeje kugira ngo hamenyekane niba hari abandi baba bafatanyije muri iki gikorwa cya kinyamaswa, anaboneraho gusaba abantu bo muri iki gihugu kuba maso maze ababuze ababo bakabimenyesa inzego za polisi zibegereye.

Abashinzwe kurwanya ibikorwa by’ubwicanyi bamaze guhamagarwa kugira ngo bagenzure aka gace gakomeje gukorerwamo ibikorwa bidasanzwe maze ababiri inyuma batabwe muri yombi.

Mu kwezi gushize mu mujyi wa Durban hafatiwe umugabo umwe afite umutwe w’umuntu maze avuga ko yari awujyanye kuwugurisha n’umupfumu wo muri ako gace.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...