konka coffee
KONKA

AMAKURU

UKWEZI

Ibintu 5 by’ingenzi ukwiye kumenya ku nyubako Kigali Convention Center

Ibintu 5 by’ingenzi ukwiye kumenya ku nyubako Kigali Convention Center
9-07-2016 saa 11:15' | By Chief Editor | Yasomwe n'abantu 19538 | Ibitekerezo 11

Kigali Convention Center (KCC), ni inyubako nshya iherereye ku Kimihurura mu mujyi wa Kigali, ikaba ari inyubako yubatswe na Kompanyi yitwa Ultimate Concepts Limited (UCL). Ntawashidikanya kwemeza ko kugeza ubu ariyo nyubako ya mbere igezweho mu Rwanda.

JPEG - 180.5 kb

Muri iyi nkuru, turabavira imuzingo ibintu by’ingenzi ukwiye kumenya kuri Kigali Convention Center. Ibi ni ibintu 5 by’ingenzi ukwiye kumenya kuri Kigali Convention Center:

1. Niyo nyubako ya mbere ihenze mu Rwanda, ikaza no mu za mbere muri Afurika.

JPEG - 1.9 Mb

Inyigo ya Kigali Convention Center yatangiye muri 2007, hashinjwa kompanyi ya Ultimate Concept Ltd yagombaga gushyira mu bikorwa uyu mushinga, urangira gutegurwa neza muri 2009. Iyi nyubako yuzuye itwaye akayabo ka miliyoni 300 z’amadolari, ni ukuvuga hafi 240.000.000.000 uyabaze mu mafaranga y’u Rwanda. Nta yindi nyubako mu Rwanda iratwara aka kayabo, ndetse no ku mugabane wa Afurika n’ubwo nta cyegeranyo kirakorwa mu buryo bweruye, nta yindi nyubako irayagezeho. Gusa aha byumvikane neza ko kuba yahenda kurusha izindi muri Afurika, byaterwa n’ibintu byinshi birimo no kuba izubatswe mbere, idolari ryari ritarazamuka nk’uko ubu ryatumbagiye ugereranyije n’andi mafaranga akoreshwa mu bihugu bitandukanye.

2. Kigali Convention Center ifite ubunini buhagije, yakwakira abantu benshi icyarimwe.

JPEG - 347.2 kb

Iyi nyubako ya Kigali Convention Center irimo hoteli y’inyenyeri 5 ifite ibyumba 292, icyumba cy’inama kinini gishobora kwakira abantu 2600, icyumba cy’inama kiri mu rugero ndetse n’ibyumba by’inama bito bigera ku 10. Irimo kandi icyumba cyagenewe ibikorwa ndangamurage, ikagira n’umwanya mugari w’ibiro. Muri rusange, iyi hoteli ifite ibyumba by’inama byakwakira abagera ku 5000 icyarimwe. Imodoka zigera kuri 830, zabasha kwinjira muri iyi nkubako zikabona aho ziparika.

Tugarutse kuri ibi byumba byayo 292, birimo 201 byo mu rwego umuntu yakwita ko ari rwo ruciriritse, ibyumba 68 byiyubashye bigenewe kuba byakwakira abayobozi bakomeye, hakabamo ibindi 5 bigenewe kuba byakwakira abayobozi bakomeye bari mu rwego rwa Perezida w’igihugu, hanyuma n’icyumba cyihariye gishobora kwakira Umwami. Ibindi 5 byo ni bigari cyane, bifite ubwisanzure buhagije ndetse biri kumwe n’uruganiriro rwabyo.

3. Hoteli yaho ifite ibyumba byakwishyurwa arenga 3.000.000 kuraramo ijoro rimwe

JPEG - 55.2 kb

Kigali Convention Center, ifite hoteli y’inyenyeri eshanu iri ku rwego rwo hejuru, kuburyo atari buri wese wabasha kuyicumbikamo igihe kirekire. Byonyine kugirango ucumbikemo ijoro rimwe mu cyumba giciriritse, ugomba kuba ufite amadolari hagati ya 300 na 350, ni ukuvuga hagati ya 240.000 na 280.000 uyabaze mu mafaranga y’u Rwanda.

Mu cyumba kiyubashye, ho wabasha kuharara ijoro rimwe utanze amadolari 700, ni ukuvuga asaga 560.000 uyabaze mu mafaranga y’u Rwanda. Hari n’icyumba kiyubashye by’ikirenga kigenewe abayobozi bakomeye, iki cyo kuraramo bikaba bisaba gutanga amadolari 3900, ni ukuvuga arenga 3.100.000 uyabaze mu mafaranga y’u Rwanda.

4. Amafunguro yaho n’ibinyobwa byihagazeho ariko ntibikabije

JPEG - 44.8 kb

Kugirango ubashe kwigurira ifunguro rya saa sita muri hoteli ya Kigali Convention Center, usabwa kuba ufite amafaranga y’u Rwanda 23.000, naho kubona irya mu gitondo byo ni ukuba ufite amafaranga y’u Rwanda 25.000. Ku bijyanye n’ibinyobwa, turebye ku by’uruganda rwa Bralirwa rucuruza, nka Fanta igura amafaranga y’u Rwanda 2.500 kimwe na Primus iringaniye ya sentiritiro 50, hanyuma Amstel na Heinken zo zikagura amafaranga y’u Rwanda 3.000. N’ubwo ibi biciro byihagazeho, byo bigaragara ko bidakabije ugereranyije n’iby’andi mahoteli akomeye mu mujyi wa Kigali.

5. Ni inyubako yuzuye yarabanje kunanirana, abayitangiye sibo bayirangije.

JPEG - 63.5 kb

Kuba inyubako ya Kigali Convention Center yarabanje kunanirana ndetse abubatsi batandukanye bakayisimburanaho, nta banga ribirimo ndetse na Perezida Paul Kagame yabigarutseho tariki 8 Nyakanga 2016 ubwo yayitahaga ku mugaragaro. Ubusanzwe yatangiye kubakwa muri 2009, bikaba byaratwaye imyaka 7 yose ngo yuzure nyamara siko byari biteganyijwe.

JPEG - 149.6 kb

Aha Perezida Paul Kagame yafunguraga ku mugaragaro iyi nyubako

Yabanje kubakwa n’ikompanyi y’abashinwa, bigenda binanirana kugeza ubwo kompanyi y’ubwubatsi yo mu gihugu cya Turikiya, ari yo yaje kwegurirwa imirimo yo kuyubaka, maze nyuma y’igihe gito ibasha kuyirangiza. Bisobanura neza ko uwatangiye kubaka Kigali Convention Center, atari we wayirangije.


Tanga Igitekerezo
Ibitekerezo 11
ali Kuya 30-09-2016

Ohohohoho!!HMM! burya abanyarwanda barakamwa koko!!!ayo s’amafaranga ni itaka!

SYTVENBACK Kuya 22-08-2016

Byose arabikesha abanyarwanda, apana twe ntabwo tubimukesha kuruta ibyo adukuramo

Dominique MANZI RUTAGENGWA Kuya 5-08-2016

KCC mubyukuri irantangaje cyane mudushakire niba ariyo nzu ihenze cyane muri Africa mutubwire kuko dufite amacenga yo kubimenya turabashimira kubwamakuru muduha rwose mukoomerezaho muduha ibintu byubwenge .

Nzitunga Kuya 4-08-2016

nizubakwe ariko imitangire ya kazi niyo iteye inkeke! nkubu abakozi bamwe barikwirukanwa ubutitsa batazi n icyo bazize , gusa birababaje kuba mu Rwanda hakiri akarengane nkako!!!

Nzitunga Kuya 4-08-2016

nizubakwe ariko imitangire ya kazi niyo iteye inkeke! nkubu abakozi bamwe barikwirukanwa ubutitsa batazi n icyo bazize , gusa birababaje kuba mu Rwanda hakiri akarengane nkako!!!

ALEX N. Kuya 3-08-2016

Ibyiza byose igihugu cyacu kimaze kujyeraho tubikesha intore izirusha intambwe kdi akomerezaho tumuri inyuma.

JOSEPH Kuya 12-07-2016

Oyeee!!!! Rwanda, Nje ndabona u Rwanda twateye imbere muri hospitality, iki ni igisubizo kuri hospitality

FK Kuya 11-07-2016

hhh, John uri kuvuga gutyo kubera atari wowe uhaba cg iwanyu. Charles ufite igitekerezo kiza gusa ndahamya neza ko uyabonye ibyo utabyibuka :D

samuel Kuya 10-07-2016

nyuma yo gusom,iyi nkuru dore ibintu byantangaje nasanze buri mudugudu niba buri kagali kagizwe n’imidugudu 10 buri mudugudu wakabaye uhabwa inzu 20 z’abatishoboye buri nzu ya 1.000.000 bityo igihugu cyose cyikabonaho aho kuyarunda hariya nibyo byarakozwe nibyiza arko namwe murumva kooo!!!!

john Kuya 9-07-2016

mu manegeka se ninde wabajyanyeyo hari agahato babashyizeho ngo bahubake

Charles Kuya 9-07-2016

240,000,000,000 frw ??? Ni menshi kweli.

Ninyabona nzubakamo Amazu 240,000 .buri nzu izaba ifite agaciro ka 1,000,000 few .nzazubakira imiryango 240,000 baba mumanegeka mugaserenda ka Gikongoro. Munsengere

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA