konka coffee
KONKA

AMAKURU

UKWEZI

Ibitangaje ku mugabo w’umunyabugeni usiga amarangi akoresheje ururimi rwe - Amafoto

Ibitangaje ku mugabo w’umunyabugeni usiga amarangi akoresheje ururimi rwe - Amafoto
28-04-2017 saa 11:42' | By Vincent Nsengiyumva | Yasomwe n'abantu 7017 | Ibitekerezo

Umugabo w’umunyabugeni witwa Han Xiaoming w’imyaka 27 wo mu mujyi wa Lanxi mu ntara ya Zhejiang mu Bushinwa, afite impano idasanzwe kandi itangaje yo gusiga amarangi mu buryo butandukanye n’ubusanzwe kuko we abikora akoresheje ururimi rwe.

Uyu mugabo w’imyaka 27 avuga ko gukoresha ururimi rwe asiga amarangi cyangwa ashushanya bimworohera kurusha kuba yakoresha ibikoresho byabugenewe (uburoso) basiga amarangi.

Han yabwiye Daily Mail ko gusiga amarangi cyangwa gushushanya akoresheje ururimi ari impano yihariye ye wenyine aho anavuga ko mu myaka myinshi ayimaranye nta n’uwo mu muryango we wari wagerageza kuyigana.

Uyu mugabo ariko anavuga ko mu myaka ya cyera muri iki gihugu hari abantu benshi bakoreshaga ubu buryo we afata nk’impano ikomeye basiga amarangi ariko ubu bikaba byaracitse aho nta bantu bagikoresha ubu buryo.

Han akomeza avuga ko iyo arangije ibikorwa bye byo gusiga cyangwa gushushanya bimusaba gukoresha ubwoko bw’inzoga yitwa ‘white wine’ mu rwego rwo koza ururimi kugirango irangi ryasigayeho riveho.

Gusa avuga ko igikorwa cyo gusigisha ururimi amarangi agikorana ubwitonzi no kwitwararika gukomeye kuko hagize irangi amira bishobora kumutera ibibazo birimo kurwara mu mihogo no kwangirika kw’igifu.

Uyu mugabo avuga ko iyi mpano imwinjiriza agatubutse ndetse bikaba bigeze n’aho bamwe mu bayobozi b’amakaminuza atandukanye batangiye kumuhamagara kugirango abigishirize abanyeshuri gusiga amarangi no gushushanya bakoresheje indimi zabo.

JPEG - 61.6 kb

Han ku myaka 27 afite impano yo gushushanya akoresheje ururimi

JPEG - 29.8 kb

Ibi bintu abikorana ubwitonzi kugirango atamira amarangi akaba yamutera indwara

JPEG - 58.7 kb
JPEG - 54.2 kb
JPEG - 51.1 kb

Han iyo arangije gusiga akoresha inzoga yo mu bwoko bwa White Wine yoza ururimi


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA