konka coffee
KONKA

AMAKURU

UKWEZI

Imbeba zabujije Perezida wa Nigeria Buhari kujya mu biro

Imbeba zabujije Perezida wa Nigeria Buhari kujya mu biro
23-08-2017 saa 09:45' | By Vincent Nsengiyumva | Yasomwe n'abantu 7033 | Ibitekerezo 1

Perezida wa Nigeria Muhammadu Buhari agiye kumara amezi atatu akorera akazi mu rugo iwe nyuma y’uko avuye mu Bwongereza aho yari amaze amezi 3 ku mpamvu zo kwivuza agasanga imbeba zarigabije ibiro bye zarangijemo ibikoresho bitandukanye.Muhammadu Buhari yahise afata umwanzuro wo kujya gukomereza imirimo ye mu rugo kugra ngo ibiro bye bibanze bitunganywe.

Umuvugizi wa Guverinoma ya Nigeria Garba Shehu yabwiye BBC ko Buhari azaba akorera mu rugo iwe mu gihe hagisanwa ibyangijwe n’imbeba ubwo yari arwariye i Londres mu Bwongereza.

Garba Shehu yagize ati "Ubu Perezida Buhari ameze neza kandi yamaze kwitegura gukomeza imirimo ye.Akigera mu biro bye yasanze imbeba zaramuteye zangiza ibikoresho bye ubu bagiye kubisana ku buryo amara amezi 3 akorera iwe mu rugo kandi akaze ke kazagenda neza nk’uko bisanzwe."

Bimwe mu bikoresho byangiritse harimo intebe zo mu biro , ibyuma bizana umuyaga mu nzu (air conditioners), n’ibindi.

Perezida Muhammadu Buhari yagarutse mu gihugu cye mu cyumweru gishize ahita anageza ijambo ku baturage ariko ntiyigeze avuga ku burwayi bwari yari amaranye iminsi mu Bwongereza akurikiranwa n’abaganga b’inzobere.

Buhari w’imyaka 67 akunze kujya kwivuza akamarayo igihe kinini, kuko no muri Mutarama uyu mwaka yagiye kwivuza mu Bwongereza amarayo amezi asaga abiri aho byavugwaga ko amerewe nabi ariko aza gukira asubira mu mirimo ye.

Abaturage bamwe bagiye bakora imyigaragambyo basaba ko Buhari yagatangaza ku mugaragaro ko atagishoboye akazi kubera uku kurwaragurika kwa hato na hato gukunze kumugaragaraho akajya kwivuza akamarayo iminsi itari mike.


INKURU ZA :
Tanga Igitekerezo
Ibitekerezo 1
Goodluck Kuya 23-08-2017

Buhari ntiyahiriwe n`Ingoma. Kandi yabonaga hari icyo azarusha jonathan Boko Haramu Itera Umwaku

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...