konka coffee
KONKA

AMAKURU

UKWEZI

Ku myaka 93 yashyingiwe n’umukunzi we w’imyaka 95 bakora ubukwe bw’igitangaza (Amafoto)

Ku myaka 93 yashyingiwe n’umukunzi we w’imyaka 95 bakora ubukwe bw’igitangaza  (Amafoto)
13-06-2017 saa 17:40' | By Vincent Nsengiyumva | Yasomwe n'abantu 9685 | Ibitekerezo 1

Umukambwe witwa Bernard Brice w’imyaka 93 yasezeranye urudashira n’umukunzi we Margaret Husband w’imyaka 95, bahamya amasezerano yabo imbere y’Imana maze bakora ubukwe bwatangaje abatari bacye.

Aba bageni bombi bakomoka mu mujyi wa Newcastle mu Bwongereza basezeraniye kuzabana akaramata mu rusengero rwa St Mary imbere y’imbaga y’inshuti n’imiryango yari yaje kubashyigikira.

Margaret Husband na Bernard Brice babaye aba kabiri basezeranye kubana akaramata bakuze cyane mu mateka y’isi dore ko bombi igiteranyo k’imyaka yabo ari 188.

Bernard Brice yari yarashakanye na Dorothy waje kwitaba Imana, ariko ubwo bashyingirwaga Margaret Husband yari yambariye nyakwigendera kuko ngo bari barabyirukanye kandi ari n’inshuti.

Daily Maily ivuga ko Bernard Brice na Margaret Husband bamaze imyaka 6 mu rukundo ngo kuko bombi bivugira ko batangiye kwiyumvanamo ubwo Margaret yitabiraga umuhango wo gushyingura Dorothy wahoze ari umugore wa Bernard.

Margaret Husband nawe yari yarashakanye n’umugabo witwa David bari barabyaranye abahungu 4, aza guhitanwa na Kanseri ubu akaba yari amaze imyaka 30 yiberaho nk’umupfakazi.

Margaret w’imyaka 95 akimara gushyingirwa n’umukunzi we Bernard bahise bajya kurira ukwezi kwa buki mu gace ka Cumbria mu Burengerazuba bw’Amajyaruguru y’Ubwongereza.

Robert umwe mu bahungu ba Margaret yavuze ko bashimishijwe bikomeye no kubona umubyeyi wabo agaragiwe n’imbaga y’abantu baturutse mu bice bitandukanye by’igihugu, anavuga ko batari biteze ibirori nk’ibyo babonye nyina akorewe ku myaka ye iyingayinga 100.

Uyu mukambwe n’umukunzi we bagaragaje ibyishimo bikomeye ubwo bambikanaga impeta z’urudashira aho bavuze ko batiyumvishaga ibiri kuba kuri uwo munsi.

Bernard Brice yagize ati “Sinigeze niyumvisha ko nzashyingirwa kuri iyi myaka ngezemo.Gusa ndumva byandenze.”

JPEG - 98.9 kb

Bernard na Margaret basezeranye kuzabana akaramata

Bambikanye impeta z’urudashira imbere y’inshuti n’imiryango

JPEG - 90.1 kb

Ibyishimo byari byose kuri bo ndetse n’imiryango yabo

JPEG - 56.1 kb

Banyuzagamo bakongorerana utugambo turyoshye

JPEG - 86.2 kb

Rev John Riley, niwe wabasezeranyije

JPEG - 108.5 kb

Barangije umuhango wo gusezerana mu rusengero bakomereza mu rugo rushya rw’abageni

JPEG - 65.1 kb

Aha basinyaga mu gitabo cy’abashakanye


INKURU ZA :
Tanga Igitekerezo
Ibitekerezo 1
Muhire Jean Paul Kuya 14-06-2017

Uri ni urukundo rwose. Abakiri NATO dukwiye kugira urukundo ruzita uburyarya bityo tukagira ingo zirangwamo amahoro bityo tukigisha abandi. Imana ni yo yubaka urugo rw’abakundana.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...