konka coffee
KONKA

AMAKURU

UKWEZI

Kubera gufuha cyane, umugore yakase igitsina cy’umugabo we agikuraho burundu

Kubera gufuha cyane, umugore yakase igitsina cy’umugabo we agikuraho burundu
28-04-2017 saa 06:46' | By Chief Editor | Yasomwe n'abantu 9614 | Ibitekerezo 1

Umugore w’imyaka 32 y’amavuko witwa Liezel Betitta yatawe muri yombi na Polisi y’igihugu cye cya Philippines nyuma yo gukata igitsina cy’umugabo we Mark akagikuraho burundu yifashishije umukasi utyaye cyane, ibi akaba yarabikoze kubera gufuha kandi avuga ko n’ubwo byatumye afungwa atabyicuza.

Liezel Betitta yamenye amakuru y’uko umugabo we Mark ari kumwe n’undi mugore w’inshuti ye mu mujyi wa Iloilo muri Philippines, dore ko yari yavuye mu rugo nyuma y’akazi agiye kunywa inzoga n’abandi bagabo, maze byagera mu ijoro akajya kuryamana n’umugore w’inshuti ye ari naho umugore basezeranye yamusanze.

Ku isaha ya saa yine n’igice z’ijoro rya tariki 22 Mata 2017, nibwo uyu mugore yafashe uyu mugabo we ahita amukeba igitsina cye hanyuma ahita atoroka, aza gutabwa muri yombi na Polisi nyuma yaho. Gusa yabwiye abapolisi ko aticuza ibyo yakoze kuko ari igihano yamuhaye.

Liezel Betitta yagize ati: "Sinicuza kuba naramukebye igitsina nkagikuraho, ni igihano namuhaye kubera kujya mu bagore cyane. Niteguye kwirengera ingaruka z’ibyo nakoze ariko ntabwo mbyicuza, nari ndambiwe ubushurashuzi bwe."

Daily Mail dukesha iyi nkuru, ivuga ko ku rundi ruhande inshuti za Mark zamutabaye avirirana amaraso zikamujyana ku bitaro biri mu mujyi wa Balasan byitwa Jesus Colmenares Memorial Hospital ariko abaganga bagasanga bikomeye cyane bakamujyana mu bitaro byitwa Western Visayas Medical Center aho akomeje kumererwa nabi kugeza n’ubu.

Izi nshuti za Mark zabwiye Polisi ko uyu mugabo n’umugore we bari bafitanye abana batatu barimo abahungu b’impanga z’imyaka 11 n’umukobwa w’imyaka 8, ariko umuryango wabo buri munsi ukaba wahoragamo intonganya.


Tanga Igitekerezo
Ibitekerezo 1
Alie ndatimana Kuya 12-05-2017

uyumugore nigicucupe!! ubwose yarishimye?

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA