konka coffee
KONKA

AMAKURU

UKWEZI

Mexique: Meya yasezeranye n’ingona kuzabana akaramata bakora ibirori by’agatangaza (Amafoto na Video)

Mexique: Meya yasezeranye n’ingona kuzabana akaramata bakora ibirori by’agatangaza (Amafoto na Video)
5-07-2017 saa 09:59' | By Vincent Nsengiyumva | Yasomwe n'abantu 21389 | Ibitekerezo 9

Umuyobozi w’akarere ka San Pedro Huamelula, muri Mexique witwa Victor Aguilar yashyingiwe n’ingona yihebeye bakora ubukwe bw’agatangaza, abantu barumirwa.

Ubu bukwe bwa Victor Aguilar n’ingona yihebeye, bwabaye ku wa Gatanu tariki ya 30 Kamena 2017 bubera mu gace ka Oaxaca gaherereye mu Majyepfo y’igihugu maze buhuruza imbaga y’abantu.

Nk’uko bimenyerewe mu birori byo gushyingirwa mu mico itandukanye, uyu mu Meya washyingiwe n’ingona yikundiye bari babyambariye kuko ingona yari yambitswe agakanzu k’umweru gakoze neza nk’ikanzu z’abageni ariko bakaba bari bayiziritse umunywa.

Daily Mail ivuga ko uku gushyingirwa kwa Meya wa San Pedro n’ingona ari ikimenyetso cyo guha ikizere n’abarobyi bo muri aka gace cyo kutagira urwikekwe n’umwiryane n’ingona mu gihe bari mu kazi kabo k’uburobyi.

Meya Victor yatangaje ko gufata umwanzuro wo gushyingirwa n’ingona ngo yabitewe n’uko yabonaga abarobyi n’ingona batabanye neza noneho abikora agamije kubahuza maze urwangano ruri hagati yabo rukavaho.

Meya yakomeje avuga ko ibyo yakoze yabyigiye ku mateka y’imiryango 2 yo muri iki gihugu y’aba Chontales n’aba Huaves yabayeho mu myaka myinshi ishize ariko igahora mu makimbirane noneho umuhungu w’umwami w’aba Chontales aza kubenguka umukobwa w’umwami w’aba Huaves maze baza gushyingiranwa bahuza imiryango yombi inzangano amatiku n’urwikekwe birashira.

Uyu mu Meya ngo yisanishije n’ibyabaye kuri iyi miryango yombi kugirango ahuze abarobyo bo muri iki gihugu n’ingona zihora zibahohotera iyo bari mu kazi kabo.

PNG - 483.3 kb

Meya Victor ateruye ingona (umukunzi we) bategereje gusezerana imbere y’imbaga y’abantu

JPEG - 82.8 kb

Basezeraniye mu rusengero, Padiri abaha umugisha

JPEG - 51 kb

Bakorewe ibirori by’agatangaza

JPEG - 50.8 kb

Babanje kuzirika umunwa w’ingona kugira ngo idateza ibibazo

PNG - 462.1 kb

Meya Victor yanyuzagamo akayisomagura nk’ikimenyetso cy’uko ayishimiye

JPEG - 21.5 kb

INKURU ZA :
Tanga Igitekerezo
Ibitekerezo 9
Esperance Kuya 30-08-2017

asuzuguye Imana gusa yaremye umugabo n’umugore kdi asebeje abameya bose biteye agahinda gusa kubona batera umugongo IMANA ishoborabyose gusa mumaso y’Uwiteka bazabona ishyano.

Niyomukiza Mathilde Kuya 10-08-2017

Ibyo ni ugutera imana agahinda!

np Kuya 9-08-2017

iyisi igeze kundunduro nukuri padiri abihesha umugisha turi mubuyobe pe

nshimiyimana Noel Kuya 11-07-2017

Aka si akaga bahu?!

chris Kuya 9-07-2017

Reka mbabwire isi ya none ikubye inshuro Sodoma na Gomora nyamara uwashaka yasenga abishyizeho umwete kuko ibirikubera ku isi biteye agahinda gakomeye mwiseka ahubwo murire

MANIGA Kuya 8-07-2017

UBONYE ICYO USEZERANA NACYO ?IYO CYAKUNDIRA MAZE NKAREBA.

john Kuya 6-07-2017

nabyemera ko yakoze ubukwe nayo ayijyanye mu gitanda bakaryamana yafunguye uriya munwa w’ingona bwacya mugitondo ubukwe bwabaye ubukwe.

Gacenga Kuya 6-07-2017

Sha igukocoye nibwo wamenya ibyo wakinaga nabyo, iyo batayizirika umunwa ngo urebe ibyo igukorera.

ERIC NTAKIRUTIMANA Kuya 6-07-2017

Asebeje Aba meya gusa ntabuze byose niyo bamwita urundi ruzina ntibavuge ngo meya w’akarere.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...