konka coffee
KONKA

AMAKURU

UKWEZI

Mu birori by’akataraboneka, abagororwa 17 bakoze ubukwe n’abakunzi babo - Amafoto

Mu birori by’akataraboneka, abagororwa 17 bakoze ubukwe n’abakunzi babo - Amafoto
20-08-2016 saa 20:28' | By Chief Editor | Yasomwe n'abantu 14776 | Ibitekerezo 3

Imwe muri gereza zirindiwe umutekano uhambaye mu gihugu cya Colombia, yemereye abasore b’abagororwa bagera kuri 17 gukora ubukwe n’abakunzi babo bari basanzwe bafitanye gahunda yo kubana mbere y’uko bafungwa, n’ubwo bari muri gereza bakaba bakoze ubukwe bw’igitangaza.

Ibirori by’akataraboneka by’abageni 17 n’abakwe babo 17 basanzwe ari imfungwa muri gereza ya Carcel Villa Hermosa iherereye mu mujyi wa Cali muri Colombia, byaranzwe n’ibyishimo by’akataraboneka, abasore b’abagororwa basezerana n’abakunzi babo ko bazibanira akaramata nyuma y’uko bazaba barangije ibihano byabo.

Kuri uyu wa Gatanu tariki 19 Kanama 2016, nibwo abageni 17 bose bambaye amakanzu yera, bemerewe kwinjira mu nyubako za gereza basanganirwa n’abasore bambaye amakositimu y’umukara basanzwe ari abakunzi babo, ubundi binjira mu cyumba kigari cyagenewe ibirori maze baryoherwa n’ibirori by’ubukwe bwabo.

Umwe muri aba bagororwa witwa Oscar Ivan Henao w’imyaka 39 y’amaguko, yari afite gahunda yo gukora ubukwe muri Mata uyu mwaka akibanira n’umukunzi we Magda Gonzalez w’imyaka 31 yari yaramaze no gutera inda. Gusa Daily Mail dukesha iyi nkuru ivuga ko yaje guhita atabwa muri yombi ubukwe butaraba, akatirwa gufungwa umwaka n’igice azira icyaha cy’umwambuzi bukoresheje imbaraga.

Kuri uyu wa Gatanu tariki 19 Kanama 2016 ubwo ubu bukwe bwabaga, ninabwo yahuye bwa mbere n’umwana we w’umuhungu wari umaze iminsi 16 avutse mu gihe se yari muri gereza. Avuga ko yizeye ko ubuyobozi bwa gereza buzanamufasha kuba hafi y’umwana we.


Tanga Igitekerezo
Ibitekerezo 3
claude Kuya 21-08-2016

Biliya nibyiza bituma ufunze akomeza kwiyumva mumuryango.kandi bifasha uwalinshutiye kutiheba ngwabikirara.biliya ntibikuraho kubulimugihano.nubwo wafungirwa muli Hotel .ntubura kubabara kubera uburenganzira bundi ubudafite.

Charles Kuya 20-08-2016

Freedom and democracy.com
Twese twabaye babi niyo mpamvu kudohora tugaha bagenzi bacu dufiteho ububasha uburenganzira bwo kwishimana nimiryango yabo...ibi binyibukije uherutse gupfusha umugore we kandi umugabo afunzwe.nishimira kujya kwa muganga hano mugihugu ngasanga imfungwa zemerewe kwivuza ,gusurwa,...I love it

Charles Kuya 20-08-2016

Freedom and democracy.com
Twese twabaye babi niyo mpamvu kudohora tugaha bagenzi bacu dufiteho ububasha uburenganzira bwo kwishimana nimiryango yabo...ibi binyibukije uherutse gupfusha umugore we kandi umugabo afunzwe.nishimira kujya kwa muganga hano mugihugu ngasanga imfungwa zemerewe kwivuza ,gusurwa,...I love it

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA