konka coffee
KONKA

AMAKURU

UKWEZI

Nyuma y’imyaka myinshi afite uburwayi bwashobeye abantu, yahawe icyizere cyo kuvurwa agakira

Nyuma y’imyaka myinshi afite uburwayi bwashobeye abantu, yahawe icyizere cyo kuvurwa agakira
31-08-2017 saa 11:21' | By Vincent Nsengiyumva | Yasomwe n'abantu 9501 | Ibitekerezo 2

Umugabo witwa Mohammed Taluli w’imyaka 42 wo mu Ntara ya Gaza muri Palestina wari umaranye imyaka myinshi uburwayi budasanzwe bwo kumera ibintu bimeze nk’amashami ku mubri we, ari gukurikiranwa n’abaganga b’inzobere ubu bakaba bamwijeje ko azavurwa agakira.

Abadogiteri bakomeye bo mu bitaro bikuru bya Hadassah mu mujyi wa Jerusalem nibo bari kwita ku buzima by’uyu mugabo wari umaranye uburwayi budasanzwe kandi buteye ubwoba imyaka myinsi kugeza n’aho yari yaratakaje icyizere cyo kubaho afata umwanzuro wo kuva mu muryango we ajya kwibera wenyine.

Mohammed Taluli w’imyaka 42 yatangarije ikinyamakuru The Times of Israel ko ibi bintu byatangiye kuza ku mubiri we ari bike ariko biza kugenda byiyongera kugeza ubwo nawe yabirebaga akumva bimuteye ubwoba bituma agira ipfunwe ryo kubana n’abandi ajya kure kwibera wenyine.

Taluli akomeza avuga ko yagerageje kujya mu bitaro bitandukanye byo hirya no hino ku Isi ariko uburwayi bwe buranga burayoberana abaganga bose babuburira umuti, ariko Leta ya Palestina ikaba yaramutekerejeho imushakira uburyo yavurirwa muri Isiraheli.

Dr. Michael Chernofsky, uhagarariye itsinda ry’abaganga b’inzobere bari gukurikirana Taluli, yavuze ko uburwayi bw’uyu mugabo budasanzwe kandi ko budakunze kugaragara, ariko ashimangira ko bari gukora ibishoboka byose ku buryo bazamuvura agakira.

Yagize ati "Uburwayi bwa Taluli ntibusanzwe[....] Gusa kugeza ubu twamaze kumubaga byaranarangiye, ubu ikiriho ni uko turi kumuha ibinini ndetse no kumutera inshinge tukaba twizeye neza ko azakira."

Mohammed Taluli akimara kubagwa amaze gukurwaho ibintu byari byamumezeho bimeze nk’amashami y’igiti, yahise avuga ko nawe yamaze kugira icyizere cyo gukira ndetse no kongera kubonana n’umuryango we yari amaze agihe adaca iryera.


INKURU ZA :
Tanga Igitekerezo
Ibitekerezo 2
uwayo dany Kuya 21-09-2017

aha imana imukorere ibikomeye

pacy Kuya 14-09-2017

ohhhh my God! nibyo koko nta kinanira Imana.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...