konka coffee
KONKA

AMAKURU

UKWEZI

Umubyeyi yibarutse abana batandatu nyuma y’imyaka 17 yarabuze urubyaro

Umubyeyi yibarutse abana batandatu nyuma y’imyaka 17 yarabuze urubyaro
19-05-2017 saa 10:54' | By Vincent Nsengiyumva | Yasomwe n'abantu 21587 | Ibitekerezo 5

Umubyeyi witwa Ajibola Adeboye wo muri Nigeria yabaye nk’ubonekewe ubwo yabyaraga abana 6 icyarimwe nyuma y’imyaka 17 ashakanye n’umugabo we ariko bakaba bari bamaze icyo gihe cyose barabuze urubyaro.

Uyu mubyeyi Adeboye uvuga ko yabonye igitangaza, yabyaye abana 6 barimo abahungu 3 ndetse n’abakobwa 3 bose bakaba ari bazima kandi bameze neza aho bakiri kwitabwaho n’abaganga bamubyarije mu bitaro bikuru bya Kaminuza byitiriwe Virginia (Virginia Commonwealth University Hospital) biri mu gace ka Richmond.

Amakuru aturuka muri Nigeria avuga ko uyu mubyeyi yibarutse abana 6 mu ijoro ryo kuwa Kane tariki 11 Gicurasi 2017, kugeza magingo aya aba bana bose bakaba bameze neza aho bakiri mu bitaro yabyariyemo.

Umugabo w’uyu mubyeyi , Adeboye Taiwo, mu kiganiro yagiranye n’abanyamakuru yavuze ko umuryango we washimishijwe bikomeye n’uburyo Imana yumvise ugusaba kwabo maze ikabahoza amarira bari bamaranye imyaka 17 yose barira.

Yagize ati “ Twahoraga dutakambira Imana tuyisaba byibura kuzaduha akana kamwe none yaratwumvise idukubira 6 iduhera rimwe abahungu 3 n’abakobwa 3. Yaduhanaguye amarira twari tumaze imyaka 17 yose turira.”

Uyu muryango n’ubwo wishimiye kubyara aba bana ariko ngo ntabwo worohewe no kuzabona ubushobozi bwo kubatunga bo ubwabo bonyine, bityo bakaba basabye leta ndetse n’abandi bagiraneza bifite ko babatera ingabo mu bitugu kugirango babone uburyo bwo kwita kuri iyo mpano Imana yabahaye.

Uyu mubyeyi akimara kwibaruka aba bana 6, inkuru yahise itangira gukwirakwira ku mbuga nkoranyambaga aho abantu benshi mu bitekerezo bagiye batanga bagaragazaga ko bashimishijwe cyane n’ibitangaza byabaye kuri uwo muryango.


Umubyeyi Ajibola, umugabo we Taiwo ndetse n’abana bibarutse uko ari 6

JPEG - 59.8 kb

Ajibola yabyaye abahungu 3 n’abakobwa 3

JPEG - 73 kb

Aba bana bose uko ari batandatu bameze neza aho bakiri gukurikiranirwa mu bitaro bavukiyemo


INKURU ZA :
Tanga Igitekerezo
Ibitekerezo 5
Aime Kuya 8-06-2017

IMANA NI BYOSE WARAKOZE MANA

diddy Kuya 23-05-2017

imana isubiriza igihe ntbw ikoza isoni yego biratinda ark bikaza kuza praise the lord!!!

AL Kuya 22-05-2017

Imana ihabwe icyubahiro, ndayishimiye cyane, igira neza, yitwa Ntihemuka. Hallelua!!!!

Aurore Kuya 20-05-2017

Mana isezerano ryawe niyo Haba imyaka igihumbi urarisohoza. nzahora nkwiringiye kandi nzakomera kids jambo ryawe

zee Kuya 19-05-2017

Imana igira ibitangaza kandi ishimwe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...