konka coffee
KONKA

AMAKURU

UKWEZI

Umubyeyi yibarutse umwana ufite imitwe ibiri - AMAFOTO

Umubyeyi yibarutse umwana ufite imitwe ibiri - AMAFOTO
5-10-2016 saa 11:34' | By Rukundo Irené | Yasomwe n'abantu 7135 | Ibitekerezo 1

Mu masaha ya mu gitondo cyo kuwa Mbere, nibwo umubyeyi w’imyaka 20 yibarutse uruhinja rufite imitwe ibiri. Ibi byabereye mu bitaro by’ishuri byitwa Jawaharlal Nehru Medical College mu gace kitwa Ajmer Rajasthan mu majyaruguru y’u Buhinde. Uyu mwana w’umuhungu akaba yapimaga ibiro 2.5 ubwo yari akimara kuvuka.

Byabaye igitangaza ku muganga witwa Dr Jaiprakash Narayan wabyaje uyu mubyeyi, ubwo yamaraga kubona ko umwana uvutse afite imitwe ibiri ifatanye. Inkuru y’uyu mwana ikimara kumvikana muri iri vuriro, buri wese wari hafi yihutiraga kuhagera kugirango arebe kuri uyu mwana wavutse adasanzwe.

Uyu muganga akaba yaravuze ko umwana wavutse yari uwa mbere kuri abo babyeyi bamwibarutse kuva babana, ndetse akaba yaranenze aba babyeyi kuko batigeze bajya kwa muganga na rimwe ubwo uyu mwana yari akiri mu nda. Ubwo uyu mwana yamaraga kuvuka nyina nta kibazo yagize, gusa umwana we akaba yari afite imbogamizi mu mihumekere ye.

Dr Narayan yarebye niba hari icyo bakora kuri uyu mwana, gusa yabonye ko bitoroshye kuba bamubaga. Uyu muganga yagize ati: "Kubaga abana bavukanye ibibazo bimeze nk’ibi bijya bibaho rimwe na rimwe ku bana bavuka bafatanye ariko kuri uyu ntabwo byoroshye kuba byashoboka.”

Nk’uko Daily Mail dukesha iyi nkuru ibitangaza, ababyeyi b’uyu mwana ntibihanganiye ibyo babwiwe na muganga maze bafata umwanzuro wo guhita bafata umwana wabo bamuvana mu bitaro bahita bamujyana iwabo mu rugo. Ntibyabahiriye ariko kuko bakigera mu rugo hashize amasaha 32 umwana agahita ashiramo umwuka. Ababyeyi b’uyu mwana kuri ubu bakaba bababajwe n’igihombo ndetse n’agahinda k’umwana wabo.

Mu bushakashatsi buheruka gukorwa, byagaragaye ko mu Buhinde, abana 2.2 ku ijana bavukana ibibazo byo kuba batuzuye neza. Ibi ni ukuvuga ko ari abana bagera ku 600,000 bavukana ibi bibazo.


INKURU ZA :
Tanga Igitekerezo
Ibitekerezo 1
Gaella Kuya 9-10-2016

Nonese murabona bataniyehe na babandi baherutse kuvukira i kirehe bagahita bazanwa mu bitaro bya CHUK ???? Imana ibakire.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...