konka coffee
KONKA

AMAKURU

UKWEZI

Umugabo wabyaye abana 176 aratakambira Leta ayisaba ubufasha

 Umugabo wabyaye abana 176 aratakambira Leta ayisaba ubufasha
12-07-2017 saa 09:42' | By Vincent Nsengiyumva | Yasomwe n'abantu 7082 | Ibitekerezo

Umusaza witwa Mustafa Magambo Mutone w’imyaka 65 wo mu gace ka Kyaterekera mu Ntara ya Kagadi muri Uganda, aratakambira Leta ayisaba ubufasha bwo gutunga abana 176 amaze kubyara ku bagore 13.Uyu mugabo agaragaza ko akomerewe kuko 10 muribo biga muri Kaminuza naho 30 biga mu mashuri yisumbuye.

Mustafa Mutone wubatse amateka muri iki gihugu aherutse kuganira n’ikinyamakuru New Vision cyo muri Uganda, aho yagaragaje ko akomerewe cyane ngo kuko gutunga abana be ndetse no kubarihira amashuri abona bigiye kumusaza akaba asaba ko Leta yamufasha kwita kuri aba bana.

Uyu musaza kandi anavuga ko mu mpera z’uyu mwaka azaba afite abana 180 ngo kuko 6 mu bagore be batwite inda nkuru. Uyu musaza kandi avuga ko amaze kugira abuzukuru 90 bakomoka ku bana be bakuru.

Mustafa Mutone asanzwe ari umuyobozi w’agace ka Kyaterekera atuyemo bikaba ari nabyo byatije umurindi wo gushaka abagore benshi kuko ashobora kuba yitwaza icyubahiro cy’ubuyobozi akigarurira abagore bo muri aka gace.

Aganira n’iki kinyamakuru Mustafa Mutone yavuze ko yashyingiwe n’umugore wa mbere afite imyaka 16, mu bagore be kandi ngo hari abagiye babyara impanga. Yanavuze ko abenshi mu bagore be bafite akazi ndetse ngo hari n’abakorera mu Rwanda.

Yagize ati “ Nashyingiwe n’umugore wa mbere mfite imyaka 16. Mu bagore 13 maze gushakana nabo ubu, abenshi bafite akazi, hari abakora mu bitaro, ndetse hari n’abakorera akazi kabo mu gihugu cy’igituranyi cy’u Rwanda.”

Uyu musaza Mustafa Mutone akomeza avuga ko imfura ye ubu yujuje imyaka 49 mu gihe abahererezi be ari impanga nabo bakaba bujuje imyaka 4.Uyu musaza kandi ngo afite ikaye yandikamo abana be kugira ngo atazabibagirwa cyane ko hari benshi baba hanze y’igihugu nko mu Rwanda, RDC na Burundi.

Uyu musaza avuga ko imbogamizi ikomeye yagiye ahura nazo ari uko bamwe mu bagore be bibera mu mahanga kandi ngo buri wese akaba ajya yifuza ko yamusangayo, ibintu yumva bimugoye cyane.

Yagize ati “ Ikimbangamira cyane ni uko bamwe mu bagore banjye baba mu bihugu by’ibituranyi kandi buri umwe akaba yifuza ko najya mfata umwanya wo kujya kumureba. Hari igihe nakira nka terefoni 10 ku munsi zabo bampamagara bansaba kubasanga aho baba iyo hanze y’igihugu ariko sinabishobora. Ubu abagore nsigaranye hano muri Kagadi ni Barindwi gusa.”

Umwe mu bagore be witwa Madina Tibasiima, w’imyaka 45, avuga ko adaterwa ikibazo n’uko bafite umuryango munini cyane gusa ngo ikibazo gihari ni ukurihira abana mu mashuri. Uyu mubyeyi ariko akomeza avuga ko nabyo bizakemuka ngo kuko imfura z’uyu musaza zamaze kubona imirimo ngo yizeye ko zizagoboka barumuna babo.


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA