konka coffee
KONKA

AMAKURU

UKWEZI

Umugore yaciwe akayabo ka 32.000.000 azira kureba muri telefone y’umugabo we

Umugore yaciwe akayabo ka 32.000.000 azira kureba muri telefone y’umugabo we
19-05-2016 saa 08:29' | By Chief Editor | Yasomwe n'abantu 3200 | Ibitekerezo 1

Umugore wo muri Leta Zunze Ubumwe z’Abarabu, yaciwe akayabo anirukanwa n’umugabo we, nyuma yo gufatwa areba muri telefone y’umugabo we agamije kumucunga ngo amenye niba amuca inyuma.

Ibiro ntaramakuru by’Abongereza Reuters, bivuga ko uyu mugore utaratangajwe amazina yategetswe n’urukiko rwa Ajman, kwishyura akayabo k’amadolari y’Amerika 41.000, ni ukuvuga asaga 32.000.000 uyabaze mu mafaranga y’u Rwanda, nk’ihazabu y’icyaha yakoze cyo gucunga umugabo we.

Uyu mugore bivugwa ko yafashe telefone y’umugabo we akabonamo amafoto yatumye amukekaho kuba amuca inyuma, kugirango abikurikirane neza ahita yiyoherereza ayo mafoto akoresheke Whatsapp ariko ahita atahurwa n’umugabo we.

Umugabo amaze gufata umugore we amurebera muri telefone, yahise yitabaza Polisi ashinja umugore we icyaha cyo kumuvogera, maze kuwa Kane tariki 12 uyu mugore agezwa imbere y’urukiko, ahamwa n’icyaha cyo kuvogera ubuzima bwite bw’abandi hakoreshejwe ikoranabuhanga.

Eman Sabt wunganiraga uyu mugore mu mategeko, yatangaje ko uyu mugore n’umugabo we bafite imyaka 30 y’amavuko, anashimangira iby’uko intandaro y’ikibazo yabaye kuba umugore yarakekaga umugabo we kumuca inyuma, ariko ntiyagira byinshi atangaza kuwo yunganiraga.


INKURU ZA :
Tanga Igitekerezo
Ibitekerezo 1
Gz Domisien Kuya 19-05-2016

Uyumugore Igihano Yahawe Kirakwiye Ntamugorewakagomywe Kuvogera Umugabowe. Ahubwo Uwomugabo Aritonda Arinjye Nabanza Nkamucapa Ubundi Nkabonakubibwira Abayobozi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...