konka coffee
KONKA

AMAKURU

UKWEZI

Umugore yisabiye ko bamuca akaboko ngo ateke umutwe bamwishyure akayabo

Umugore yisabiye ko bamuca akaboko ngo ateke umutwe bamwishyure akayabo
25-08-2016 saa 09:08' | By Chief Editor | Yasomwe n'abantu 4996 | Ibitekerezo

Umugore wo mu gihugu cya Vietnam yagambanye n’inshuti ye ayisaba ko imuca akaboko kugirango abeshye ko kacikiye mu mpanuka, hanyuma ahabwe akayabo k’amafaranga asaga 120.000.000 uyabaze mu mafaranga y’u Rwanda.

Muri Gicurasi uyu mwaka, nibwo umugore w’imyaka 30 witwa Ly Thi N wo muri Vietnam yasanzwe na Polisi ari ku muhanda wa gari ya moshi avirirana, nyuma yo guhamagarwa n’umugabo witwa Doan Van D avuga ko yagonzwe na gari ya moshi ikigendera.

Abapolisi bashinzwe iperereza baje kugira amakenga, maze nyuma yo kubahata ibibazo, umugore yemera ko yishyuye Doan Van amapawundi 1,660 angana na 1.800.000 uyabaze mu mafaranga y’u Rwanda, kugirango amuce akaboko hanyuma amufashe kwemeza abashinzwe umutekano ko ari impanuka ya gari ya moshi yamuciye akaboko.

Uyu mugore yivugiye ko yabikoze ashaka guhabwa akayabo k’amapawundi 115,000, ni ukuvuga arenga 120.000.000 uyabaze mu mafaranga y’u Rwanda. Aya mafaranga, ni ayo yagombaga kwishyurwa n’ikigo cy’ubwishingizi iyo byemezwa ko ari impanuka.

Nyuma yo gufatwa yahise anatangira gukurikiranwa ngo anafungirwe iki cyaha cy’ubutekamutwe, ariko Polisi iza kwemeza ko itazirirwa imushyikiriza inkiko kuko ibyamubayeho ubwabyo ari igihano.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...