konka coffee
KONKA

AMAKURU

UKWEZI

Umusaza wari umaze imyaka 24 yaracukuriwe imva, yitabye Imana afite imyaka 147

Umusaza wari umaze imyaka 24 yaracukuriwe imva, yitabye Imana afite imyaka 147
2-05-2017 saa 08:07' | By Vincent Nsengiyumva | Yasomwe n'abantu 6165 | Ibitekerezo 2

Umusaza witwa Mbah Gotho wo muri Indonesia byavugwaga ko ari we muntu ukuze kurusha abandi bose ku isi, yitabye Imana nyuma yo kumara imyaka 24 yose acukuriwe imva azashyingurwamo ariko urupfu rugakomeza kumugendera kure.

Uyu mukambwe byagaragaraga ko ashaje cyane, ibyangombwa bye byagaragazaga ko yavutse mu 1870 aho yari ageze mu myaka 147 y’amavuko.

BBC ivuga ko uyu mukambwe Mbah Gotho yari yajyanwe mu bitaro tariki ya 12 Mata 2017 kubera ko ubuzima bwe butari bumeze neza, amazemo icyumweru asaba ko yasubizwa mu rugo iwe akaba ariho ajya kurwarira.

Suyanto, umwuzukuru wa Mbah, yatangarije BBC ko uyu mukambwe kuva yava mu bitaro atigeze agira ikintu arya cyangwa anywa retse utuzi duke yabashije kunywa ndetse n’ibiyiko nka 3 by’igikoma.

Mu kiganiro Mbah yagiranye na BBC mbere y’uko apfa, yavuze ko ibanga yakoresheje kugirango amare imyaka 147 yose ari uko yagize inshuti nyinshi kandi zikaba zaranamwitagaho umunsi ku munsi.

Uyu mukambwe kandi yari yarashakanye n’abagore 4 ariko bose bagiye bapfa mbere ye kuko nta n’umwe bashakanye wari ukiriho.

Uyu musaza wari waramenyekanye cyane muri Indoneziya yakundaga gutumirwa mu birori bikomeye ku rwego rw’igihugu cyane cyane ku munsi wo kwibohora aho yaganirizaga abanyagihugu amateka yaranze igihugu cyabo.

Mu mwaka ushize nibwo uyu mukambwe yatangaje ko yifuza ko yakipfira akareka kwanduranya ngo kuko yumva imbaraga zaramushiranye kandi mu buzima bwe yarabayeho yirwanaho.

Yagize ati "Numva nta mbaraga ngifite. Yewe no kugenda bisigaye ari ikibazo. Nabayeho nihingira, njya ku kiyaga nkaroba amafi akantunga ariko ubu sinkibibasha. Numva ntagishaka ubuzima ninayo mpamvu nateguye imva nzashyingurwamo.”

JPEG - 54.1 kb

Umukambwe Mbah niwe wari ukuze kurusha abandi kuri iyi Si


INKURU ZA :
Tanga Igitekerezo
Ibitekerezo 2
Sinayobye Gaspard Kuya 18-05-2017

ni danger

Sinayobye Gaspard Kuya 18-05-2017

ni danger

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA