konka coffee
KONKA

AMAKURU

UKWEZI

Yagize ubumuga bw’ubugufi bukabije, bituma abantu bamufata nk’imana yabo none baramuramya

Yagize ubumuga bw’ubugufi bukabije, bituma abantu bamufata nk’imana yabo none baramuramya
5-04-2017 saa 17:32' | By Vincent Nsengiyumva | Yasomwe n'abantu 15836 | Ibitekerezo 1

Umugabo witwa Manpreet Singh w’imyaka 21 wo mu gace ka Punjab mu Buhinde afite ubumuga bwo kugira ubugufi bukabije, aho afite santimetero 65 z’uburebure, ibintu byatumye afatwa nk’igitangaza none abantu baramuramya nk’imana yabo.

Manpreet Singh w’imyaka 21 ufite igihagararo utatandukanya n’icy’uruhinja rw’amezi 6, ababyeyi be , Jagtar Singh na Manjeet Kaur, bavuga ko yavutse nta kibazo afite ko ahubwo imikurire ye yahagaze ubwo yari afite amezi 6.

Bakomeje bavuga ko nyuma yo kubona ko uyu mwana wabo afite ikibazo gikomeye cyo kudakura, bamujyanye kwa muganga abonana n’aba dogiteri bakomeye ariko biranga biba iby’ubusa kugeza igihe ubushobozi bari bafite bubashiranye.

Abantu bo muri aka gace ka Punjab , uyu mugabo Manpreet avukamo, bakimara kubona ko afite imiterere idasanganwe undi muntu wese kuri iyi Si, bahise bamushyira ku rutonde rw’imana zabo maze batangira kujya bamusanganira aho atuye bagiye kumuramya , kumugezaho ibyifuzo byabo no kumusaba imigisha.

N’ubwo uyu mugabo Manpreet yagize ubu bumuga , abo mu muryango we bavuga ko ari umugisha ndetse n’umukiro wabo no ku bantu bose bo muri aka gace ka Punjab.

Nyina w’uyu mugabo, Manjeet, yagize ati "Njye nishimira kuba narabyaye umwana none ubu akaba yarabaye umukiza w’abantu bo muri aka gace. Abantu bose baza kumuramya kuko iyo baje babona ibisubizo by’ibibazo byabo. Ibi mbifata nk’insinzi kuri njye no kumuryango wanjye.”

Uyu mubyeyi, Manjeet, yakomeje avuga ko nta muntu n’umwe yigeze yumvana amagambo yo gupfobya umuhungu we kubera ubugufi bwe, ko ahubwo abantu bose bamwikundiye ahubwo bikaza kurangira baza kumuramya nk’imana yabo.

Daily Mail ivuga ko uyu mugabo , Manpreet afite abavandimwe 2, mushiki we umubanziriza ndetse na murumuna we umukurikira bombi bakaba ari bazima nta n’umwe muri bo bombi wagize iki kibazo cy’ubugufi bukabije.

Mu rugo iwabo abantu aba ari urujya n’uruza baje kumuramya no kumushyikiriza ibyifuzo byabo

JPEG - 45.1 kb

Manpreet Singh w’imyaka 21, ateruwe n’ababyeyi be

JPEG - 100.1 kb

Manpreet Singh [uri hagati ]ari kumwe na mushikiwe umubanziriza ndetse na murumuna we umukurikira

JPEG - 80.9 kb

Uku niko Manpreet Singh w’imyaka 21 areshya


Tanga Igitekerezo
Ibitekerezo 1
Ndihokubwayo Emmanuel Kuya 5-04-2017

Biratangaje!!!!ariko ivyo ntibyatuma bamuramya nk’Imana yabo

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA