konka coffee
KONKA

AMAKURU

UKWEZI

Nyuma y’u Rwanda, Shisha yahawe akato gakomeye mu gihugu cya Kenya

Nyuma y’u Rwanda, Shisha yahawe akato gakomeye mu gihugu cya Kenya
28-12-2017 saa 13:51' | By Akayezu Jean de Dieu | Yasomwe n'abantu 1013 | Ibitekerezo

Nyuma y’aho mu mwaka wa 2016, igihugu cya Tanzania cyamaganiye kure itabi rizwi nka Shisha, ibi bikaza gukurikirwa n’itangazo Minisiteri y’Ubuzima mu Rwanda yasohoye tariki 14 Ukuboza 2017, ivuga ko iciye ku mugaragaro iri tabi, kuri ubu Minisiteri y’Ubuzima mu gihugu cya Kenya yahagaritse burundu kunywa, gucuruza, kwamamaza no kwinjiza mu gihugu iri tabi rizwi nka Shisha.

Kuri uyu wa Kane tariki 28 Ukuboza 2017, nibwo Minisiteri y’Ubuzima muri Kenya yasohowe itangazo ryasinyweho na Cleopa Mailu, Umunyamabanga wa Leta muri iyi Minisiteri rivuga ko baciye burundu iri tabi muri iki gihugu.

Muri iri tangazo riragira riti “Nta muntu uzongera kwinjiza mu gihugu, gutunganya, gucuruza, gukoresha cyangwa kwamamaza itabi rya Shisha muri Kenya.

Minisiteri y’ubuzima muri Kenya yavuze ko itabi rya shisha rigira ingaruka zikomeye ku buzima bw’abarinywa ndetse n’abatumirwa imyotsi yaryo nk’uburwayi bwa kanseri, indwara z’umutima n’izizndi zitandukanye.

Minisiteri y’Ubuzima ishingiye kuri izi ngaruka yahise itegeka ko rihagarikwa ahantu hose ricururizwa muri Kenya nko mu tubari n’ahandi hatandukanye, inasaba abaturage ba Kenya bose muri rusange ko bakirinda kurinywa, kuryamamaza cyangwa kuritumiza hanze hagamijwe kuricuruza.

Kenya yabaye igihugu cya Gatatu muri Afurika y’Uburasirazuba giciye iri tabi rya Shisha nyuma y’aho mu mwaka wa 2016 aribwo Tanzania yamaganiye kure iki kiyobyabwenge ndetse na Leta y’u Rwanda ikaza kucyamagana mu ntangiro z’uku kwezi k’Ukuboza.

Soma Inkuru bifitanye isano: MINISANTE yaciye burundu itabi rya SHISHA mu Rwanda


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...