konka coffee
KONKA

AMAKURU

UKWEZI

Perezida Touadéra witabiriye irahira rya Kagame, yagiye acyuye abasirikare banduye SIDA

Perezida Touadéra witabiriye irahira rya Kagame, yagiye acyuye abasirikare banduye SIDA
29-08-2017 saa 15:36' | By Chief Editor | Yasomwe n'abantu 19203 | Ibitekerezo

Perezida Faustin-Archange Touadéra w’igihugu cya Centrafrique, ari mu bakuru b’ibihugu byinshi bitabiriye ibirori byo kurahira kwa Perezida Paul Kagame w’u Rwanda, warahiriye kuyobora u Rwanda indi manda tariki 18 Kanama 2017. Ubwo yatahaga, yagiye ajyanye abasirikare b’igihugu cye babarirwa muri 40 bari baranduye SIDA.

Ikinyamakuru Jeune Afrique dukesha iyi nkuru, kivuga ko ubusanzwe mu Rwanda hari abasirikare bo muri Centrafrique babarirwa muri 200, bamaze igihe bari mu myitozo ya gisirikare. Bamwe muri aba basirikare ariko, basuzumwe n’abaganga b’abanyarwanda, ibisubizo by’ibizamini bakorewe bigaragaza ko banduye agakoko gatera SIDA.

Iki kinyamakuru gikomeza kivuga ko nyuma yo gusanganwa SIDA, aba basirikare basubijwe i Bangui mu murwa mukuru wa Centrafrique, bakaba baratwawe na Perezida wabo mu ndege ya kompanyi yabo yitwa Karinou Airlines. Ni nyuma y’uko uyu mukuru w’igihugu yari avuye mu Rwanda kwitabira ibirori byo kurahira kwa Perezida Paul Kagame.

JPEG - 508.9 kb

Perezida Faustin-Archange Touadéra niwe mukuru w’igihugu wabimburiye abandi bose kuza kwitabira irahira rya Kagame. Aha yari ageze i Kanombe

Gusa ntihatangajwe ibijyanye n’uko aba basirikare baba baranduye SIDA bageze mu Rwanda cyangwa niba baravuye mu gihugu cyabo baramaze kwandura, icyakoze icyagaragaye cyo ni uko ngo batagombaga gukomeza imyitozo nk’abandi basirikare kandi bigaragara ko ubuzima bwabo butazira umuze, kubera ubwo bwandu bwa SIDA.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...