konka coffee
KONKA

AMAKURU

UKWEZI

AU igiye gucyura Abanyafurika bagera ku bihumbi 15 bari gucururizwa muri Libya

AU igiye gucyura Abanyafurika bagera ku bihumbi 15 bari gucururizwa muri Libya
5-12-2017 saa 19:30' | By Vincent Nsengiyumva | Yasomwe n'abantu 502 | Ibitekerezo

Umuryango wa Afurika Yunze Ubumwe,AU, watangaje ko mu mpera z’uyu mwaka wa 2017 ugomba kuba umaze gucyura Abanyafurika ibihumbi 15 baheze muri Libya aho bari gukorerwa ibikorwa biteye isoni n’agahinda birimo gucuruzwa gicakara, gukorerwa iyicwa rubozo n’ibindi bitandukanye bitesha agaciro ikiremwa muntu.

Ibi byatangajwe n’ubuyobozi bwa Afurika Yunze Ubumwe (AU ) nyuma y’iminsi hagaragaye ibikorwa by’iyicarubozo ndetse no gucuruzwa kw’ Abanyafurika b’abimukira bari muri Libya bahagera mu buryo bwo gushaka inzira ibageza mu bihugu byo ku mugabane w’i Burayi no muri Amerika.

Kwesi Quartey, umwe mu bayobozi bakuru b’Umuryango wa Afurika Yunze Ubumwe, AU, yavuze ko nibura Abanyafurika ibihumbi 20 bafungiye mu bigo bya leta ya Libya, aho bari kugurishwa mu cyamunara bakaba bari gukorerwa ibikorwa bitandukanye by’iyica rubozo.

Kwesi Quartey, yavuzze ko umuryango wa Afurika yunze Ubumwe uri gukora ibishoboka byose kugira ngo urebe uko wacyura byibura abagera ku bihumbi 15 bari gukorerwa ibikorwa bya kinyamaswa muri Libya

Umuryango wa Afurika Yunze Ubumwe yafashe iki cyemezo nyuma yo gutahura amakuru y’ibikorwa biteye isoni n’agahinda biri gukorerwa abimukira b’Abanyafurika bari muri Libya aho bamwe bagurishwa mu masoko y’abacakara.

BBC dukesha iyi nnkuru ivuga ko Umuryango wa Afurika Yunze Ubumwe wamaze gufata iki cyemezo mu gihe bimwe mu bihugu bitandukanye birimo Nigeriya byatangiye gutahukana abimukira babyo baheze muri Libya.

Buri mwaka abimukira bisuka ku mipaka ya Libya, nyuma y’uko bigaragaye ko iki gihugu kidacunzwe neza nyuma y’ihirikwa rya Muammar Gaddafi, aho abahinjira bose bashakainzizra ibageza ku mugabane w’i Burayi baba bahunze intambara mu bihugu byabo abandi bahunze ubukene bashaka ubuzima bwiza muri ibyo bihugu by’i Burayi baba bashaka kujyamo.

JPEG - 42.6 kb

Uku niko abimukira bari muri Libya babayeho mu bikorwa by’iyicarubozo

JPEG - 52.1 kb
JPEG - 106.1 kb

Bafungiye mu nkambi zitandukanye muri Libya


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...