konka coffee
KONKA

AMAKURU

UKWEZI

Mugabe yagabiye ‘AU’ amashyo y’ inka zibarirwa muri Miliyoni y’amadorali

Mugabe yagabiye ‘AU’ amashyo y’ inka zibarirwa muri Miliyoni y’amadorali
3-07-2017 saa 17:12' | By Vincent Nsengiyumva | Yasomwe n'abantu 4790 | Ibitekerezo 4

Kuri uyu wa Mbere tariki ya 3 Nyakanga Perezida wa Zimbabwe, Robert Mugabe, yagabiye amashyo y’inka umuryango w’Ubumwe bwa Afurika zibarirwa mu kayabo ka Miliyoni y’amadorali mu gikorwa cyo gufasha uyu muryango kwiyubaka no kwigira maze ugacika ku muco wo guhora uteze amaboko inkunga zituruka mu mahanga.

Ikinyamakuru Herald cya Leta ya Zimbabwe cyatangaje ko izi nka zahawe uyu muryango umubare munini wavuye mu rwuri rwa Perezida Mugabe naho izindi zitangwa n’abaturage bo mu gihugu bashyigikiye igitekerezo cy’umukuru w’igihugu.

Ayo mashyo akimara gukusanywa yahise ashyirwa ku isoko akaba ariyo yavuyemo Miliyoni y’amadorali Mugabe yahaye uyu muryango w’Ubumwe bw’Afurika mu rwego rwo kuyiremera.

Iyi mpano Perezida Mugabe yatanze yari yayemereye uyu muryango mu nama ya 27 y’abakuru b’ibihugu iherutse kubera mu Rwanda, akaba yayibashyikirije mu nama y’abakuru b’ibihugu iri kubera muri Ethiopia.

N’ubwo Perezida Mugabe n’abaturage ba Zimbabwe batanze iyi mpano ihambaye, muri iki gihugu hakomeje kuvugwa inzara yatewe n’amapfa yibasiye igice cy’Afurika y’amajyepfo Zimbabwe iherereyemo bikaba byaranatumye umusaruro w’imyaka uba mukeya cyane ndetse n’abaturage bakaba badasiba kugaragaza ko bibasiwe n’ubukene bukabije.

Perezida Mugabe ubwo yari ayoboye uyu muryango w’ubumwe bwa Africa mu 2015-2016 yumvikanye cyane akangurira ibihugu biwugize gushakisha uburyo bwo kwigira no kureka gutegera amaboko inkunga z’amahanga.


INKURU ZA :
Tanga Igitekerezo
Ibitekerezo 4
Kamanzi Kuya 2-08-2017

Uyu mugabo ni umuhanga! Aho kugira ngo izo nka zimupfireho kubera amapfa yemeye kuzitanga kandi bimugira intwari. Byerekanako Africa igize abayobozi bazima ntacyo twasaba abazungu. Naho abirirwa batuka abazungu bwacya bakabiruka inyuma basaba imfashanyo abo nta bayobozi babarimo

Kamanzi Kuya 2-08-2017

Uyu mugabo ni umuhanga! Aho kugira ngo izo nka zimupfireho kubera amapfa yemeye kuzitanga kandi bimugira intwari. Byerekanako Africa igize abayobozi bazima ntacyo twasaba abazungu. Naho abirirwa batuka abazungu bwacya bakabiruka inyuma basaba imfashanyo abo nta bayobozi babarimo

Kamanzi Kuya 2-08-2017

Uyu mugabo ni umuhanga! Aho kugira ngo izo nka zimupfireho kubera amapfa yemeye kuzitanga kandi bimugira intwari. Byerekanako Africa igize abayobozi bazima ntacyo twasaba abazungu. Naho abirirwa batuka abazungu bwacya bakabiruka inyuma basaba imfashanyo abo nta bayobozi babarimo

lg Kuya 3-07-2017

ABAVUGA KO ROBERT MUGABE NTACYO ASHOBOYE , YASHAJE. BARIBESHYA NUMUNTU WUMUGABO YEREKANYE, KO ABANYAFRIKA BAKORA BYINSHI BADATEZE AMABOKO BITUMA BADUSUZUGURA NKAHO TURI ABASABIRIZI MUKULIYE, INGOFERO *

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...