konka coffee
KONKA

AMAKURU

UKWEZI

Perezida Mugabe yahaye akato umuhanzikazi wambara impenure-Amafoto

Perezida Mugabe yahaye akato umuhanzikazi wambara impenure-Amafoto
14-09-2017 saa 15:26' | By Vincent Nsengiyumva | Yasomwe n'abantu 14150 | Ibitekerezo 5

Perezida Robert Mugabe yikomye bikomeye umuhanzikazi w’umunya Afurika y’Epfo witwa Zodwa Wabantu wari kuza gukorera igitaramo muri Zimbabwe,ndetse ahita anategeka ko atamushaka mu gihugu cye kubera imyitwarire ye ndetse n’imyambarire ishotora igitsina gabo.

Perezida Mugabe avuga ko atashyigikira umukobwa ujya imbere y’abantu yambaye ubusa, ngo dore ko uyu mukobwa yamenyekanye cyane kubera kujya imbere y’abantu yambaye utwenda duhenuye ndetse atanambaye akenda k’imbere.

Byari biteganyijwe ko uyu mukobwa Zodwa Wabantu aza gukorera igitaramo mu murwa mukuru wa Harare muri Zimbabwe mu ijoro ryo kuri uyu wa Gatanu muri Club 263 mu gace ka Mutare ahari kuzaba hateraniye n’abayobozi bakuru b’igihugu.

Ubwo ku munsi w’ejo kuwa Gatatu Perezida Mugabe yaganiraga n’itangazamakuru ryo muri Zimbabwe, yavuze ko ari we watanze itegeko ry’uko umuhanzikazi Zodwa Wabantu w’Umunyafurika y’Epfo atazakandagira mu gihugu cye ngo kuko imyitwarire ye iba igamije kwica umuco no koreka urubyiruko mu mabi.

Yagize ati " Uwo muririmbyikazi namubujije kuza mu gihugu cyanjye kuko imico n’imyitwarire bye bitemewe mu banyagihugu bacu.Ntitwifuza guha urwaho umunyamabi nk’uriya ujya imbere y’abantu yambaye ubusa kuza guteza abantu ibibazo.Ubundi se kuza kwe bidufitiye iyihe nyungu?"

Yunzemo ati “Ngo abagabo baba bifuza kukubona? Oya rwose,,, Ndabizi ko hari abagabo benshi batabyishimiye batangiye gutera hejuru bavuga ko bamwifuza. Ibyo bitekerezo rero nibyo tudashaka, mureke biriya ajye abikorera aho avuka mu gihugu cye."

Uretse kuba uyu mukobwa wamenyekanye cyane kubera kwiyambika ubusa yari kuririmbira muri Club 263 mu ijoro ryo kuwa Gatanu, ngo byari biteganyijwe ko no kuwa Gatandatu ataramira mu tundi duce two mu mujyi wa Harare nkuko ikinyamakuru The Citizen cyo muri Zimbabwe kibitangaza.

Uretse Mugabe wahaye akato uyu muhanzikazi w’umunyafurika y’Epfo, hari n’abandi bayobozi bakuru barimo uyobora Inteko Nshinga Amategeko Aeneas Chigwedere ndetse na Minisitiri w’Ububanyi n’Amahanga nabo bamwamaganiye kure bavuga ko batamushaka muri Zimbabwe.

Abagarutse ku kuba badashaka uyu muhanzikazi muri iki gihugu, bose bagiye bagaruka ku kuba badashaka ko uyu mukobwa aza koreka urubyiruko rwabo ngo kuko muri gahunda ye aba agamije kwigisha imico mibi; nk’ubusambanyi n’ibindi.

Umuhanzikazi Zodwa Wabantu amazina ye nyakuri ni Zodwa Rebecca Libram, akomoka muri Afurika y’Epfo, akaba yaramamaye bikomeye ku mbuga nkoranyambaga kubera kwigaragaza cyane yambaye impenure ndetse n’indi myambaro igaragagaza imyanya ye y’ibanga.

Mu dushya uyu muhanzikazi azwiho harimo no kujya ku rubyiniriro atambaye utwenda tw’imbere




INKURU ZA :
Tanga Igitekerezo
Ibitekerezo 5
Nganuwera rapide Kuya 18-10-2017

Iyaba byabaga umuco wabakuru bibihugu multi afurika hose

BIJOS Kuya 6-10-2017

NDASHIGIKIYEMUGABE

Micombero Kuya 15-09-2017

Hhhhh Mugabe we komerazaho!uwakutwerekera ba shadybooo !!!!!!!

MUKANDAYISENGA Francoise Kuya 15-09-2017

Nanjye rwose ibyo Perezida Mugabe yavuze ndabishyigikiye. Iriya myambarire y’uriya muhanzi ntiwitse na gato. Ndetse n’ibindi bihugu bijye bimwamaganira kure azabanze yige kwambara neza bitagusha abantu. uRIYA SI UMUCO MWIZA RWOSE.

Allen willy Kuya 14-09-2017

Ubundi se mugabe arabeshya? yaba aje kumara iki muricyo gihugu? kubigisha iki se? nagende natwe ntazaze muhaye akato hakiri kare

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...