konka coffee
KONKA

AMAKURU

UKWEZI

Umugore wa Perezida Mugabe ntiyorohewe muri Afrika y’Epfo,Imipaka iracunzwe cyane ngo atazatoroka

Umugore wa Perezida Mugabe ntiyorohewe muri Afrika y’Epfo,Imipaka iracunzwe cyane ngo atazatoroka
19-08-2017 saa 14:38' | By Vincent Nsengiyumva | Yasomwe n'abantu 7188 | Ibitekerezo 3

Grace Mugabe, Umufasha wa Perezida Robert Mugabe wa Zimbabwe ari kotswa igitutu muri Afurika y’Epfo aho asabwa ibisobanuro ku cyaha aregwa cyo gukubita no gukomeretsa umukobwa w’umunyamideri wo muri iki gihugu amuziza kumusangana n’abahungu be.

Grace Mugabe ashinjwa gukubita no gukomeretsa Gabriela Engels w’imyaka 20 ku cyumweru ubwo yamusanganaga n’abahungu be muri Capital Hotel iherereye mu mujyi wa Johanesburg.

Grace bivugwa ko yari yagiye muri Afurika y’Epfo kwivuza igufwa ry’akabombambari ryavunitse kandi ngo yari yagiye nk’umuntu usanzwe atari ku ruhushya rw’inzira rw’abayobozi bakuru.

Nyuma yo gusagarira uyu munyamideli nk’uko ibitangazamakuru byinshi byabigarutseho, Grace Mugabe yahamagajwe na Polisi yo muri iki gihugu ngo yiregure kubyo yaregwaga ariko we ntiyitaba ngo kuko yashakaga ko yahabwa ubudahangarwa nubwo yari yagiye muri iki gihugu muri gahunda zitarebana n’igihugu.

BBC itangaza ko uyu munsi Grace Mugabe yari kwitabira inama ikomeye y’abafasha b’aba Perezida bo mu bihugu byo mu karere Zimbabwe iherereyemo ariko kuko atemerewe kurenga imipaka ya Afurika y’Epfo ntibyamushobokeye.

Polisi yo muri Afurika y’Epfo ivuga ko Grace yagiye ahamagarwa inshuro nyinshi mu rukiko ariko agakomeza kwinangira bikaba bitumye kugeza magingo aya adafite uburenganzira bwo gusohoka iki gihugu iki kibazo kitarasobanuka.

Gabriela watanze ikirego yavuze ko Grace Mugabe yamuhondaguye umugozi wifashishwa mu gushyira umuriro mu byuma by’ikoranabuhanga akanavuga ko ubwo yakubitwaga abarinzi bagera ku icumi ba Grace Mugabe bari bahagaze bari kureba gusa.

JPEG - 27.5 kb

Gabriella Engels, Umunyamideli uvuga ko yahohotewe n’umufasha wa Perezida Mugabe


INKURU ZA :
Tanga Igitekerezo
Ibitekerezo 3
Dawid Kuya 7-10-2017

Ingegera z’ abayobozi zitazi uburenganzira bw’ umuntu icyo aricyo keretse uwashaka indi planet azijyanaho. Hari ibyo umuntu abona cyangwa yumva ugasanga biteye iseseme.

gizo Kuya 22-08-2017

@rusake iyo wita umuntu indaya uramuzi kuba umunyamideli se bivuga kuba indaya ariko wagiye uvuga ibyuzi iyo akica se byari kukumarira iki kuvuga gusa utazi nibyo uvuga puuuuu unjye uborosa

hesron rusake Kuya 20-08-2017

Iyo akica. indaya ngo nimideli zitunzwe no kurarura abana babandi gusa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...