konka coffee
KONKA

AMAKURU

UKWEZI

Papa Francis utewe ubwoba n’amatora yo muri Kenya yagize icyo asaba Isi

Papa Francis utewe ubwoba n’amatora yo muri Kenya yagize icyo asaba Isi
23-10-2017 saa 16:05' | By Akayezu Jean de Dieu | Yasomwe n'abantu 2208 | Ibitekerezo

Umushumba wa Kiliziya Gatorika , Papa Francis yavuze ko ahangayikishijwe cyane n’abaturage b’igihugu cya Kenya muri ibi bihe bagiye kwinjiramo byo gusubiramo amatora y’umukuru w’igihugu mu gihe ibyari byavuye mu matora yari yabaye tariki 08 Kanama byateshejwe agaciro. Papa Francis akaba yasabye abatuye Isi yose guhuriza hamwe bagasengera iki gihugu ngo kigire amahoro muri ibi bihe.

Ibi Papa Francis yabitangaje kuri iki Cyumweru tariki 22 Ukwakira 2017, Ubwo yari ayoboye misa I Vatican yavuze ko arimo gusenga cyane ko girango iki gihugu cya Kenya ibibazo bya plitiki barimo byose bizarangire mu mahoro binyuze mu biganiro bigamije gushakira abaturage ibyiza n’amahoro.

Yagize ati “Ndabasaba kunyisunga mu gusengera amahoro ku isi. Ndimo gusengera cyane igihugu cya mperutse kugiriramo uruzinduko aricyo cya Kenya. Ndimo gusenga kugirango igihugu cyose kibashe kwikura mu bibazo kirimo binyuze mu biganiro kandi bose bakagira umutima wo gushakira ibyiza abaturage”

Papa Francis yasuye igihugu cya Kenya mu kwezi k’Ugushyingo 2015, aho yakiriwe bidasanzwe muri iki gihugu ndetse anagirana ibiganiro na Uhuru Kenyatta wari Perezida akaba kuri ubu arimo kwiyamamariza kongera kuyobora iki gihugu.

Nyuma y’uko Perezida Uhuru Kenyatta atsinze amatora yari yabaye tariki 8 Kanama 2017 ku majwi 54% byaje kuvugwa na Raila Odinga bari bahanganye ko habaye uburiganya budasanzwe mu matora ndetse biza kurangira habayeho gusesa ibyayavuyemo bakayasubiramo ari nabyo bigiye kuba. Biteganijwe ko kuri ku wa Kane tariki 26 aribwo abaturage ba Kenya bazongera kubyikira ku biro by’itora hirya no hino mu gihugu bagahitamo hagati ya Raila Odinga, Umukandida w’impuzamashyaka atavuga rumwe n’ubutegetsi (NASA) na Uhuru Kenyatta uhagarariye ishyaka Jubilee risanzwe riri kubutegetsi. Papa Francis aherutse kugirira uruzinduko mu gihugu cya Kenya agirana ibiganiro na Perezida Uhuru Kenyatta


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...