konka coffee
KONKA

AMAKURU

UKWEZI

Amerika igiye gukoma mu nkokora umugambi yita mubisha wa Raila Odinga

Amerika igiye gukoma mu nkokora umugambi yita mubisha wa Raila Odinga
6-12-2017 saa 10:40' | By Akayezu Jean de Dieu | Yasomwe n'abantu 1729 | Ibitekerezo

Leta zunze ubumwe za Amerika zaburiye umuyobozi w’amashyaka atavuga rumwe n’ubutegesi muri Kenya, Raila Odinga, bamusaba ko yahagarika umugambi mubisha ari gutegura kuwa kabiri w’Icyumweru gitaha tariki 12 Ukuboza 2017, wo kurahirira kuba Perezida w’iki gihugu kandi atari we watowe.

Ibi bije nyuma y’aho Raila Odinga akomeje gushimangira ko agomba kurahira nka Perezida wa Kenya ndetse kuri ubu akaba yaranatanze ubutumire ku bazitabira iri rahira rye riteganyijwe kuba mu Cyumweru gitaha ubwo iki gihugu kizaba kizihiza isabukuru y’imyaka 53 kibonye ubwigenge.

Umunyamabanga wungirije wa Leta zunze ubumwe za Amerika ushinzwe Afurika, Donald Yamamoto yavuze ko mu gihe Raila Odinga yaba arahiye igihugu cya Kenya kizarushaho kujya mu kaga gakomeye ndetse bikanateza umutekano mucye muri iki gihugu.

Daily Nation dukesha iyi nkuru yatangaje ko mu nama yahuje abayobozi b’impuzamashyaka NASA ya Raila Odinga, Yamamoto yasabye ibiganiro hagati ya Perezida Uhuru Kenyatta na Odinga kugirango barebere hamwe uko igihugu cyakwivana mu bibazo kimazemo iminsi.

NASA ntiyemera Kenyatta nka Perezida, isaba ko hategurwa andi matora agakorwa mu mucyo. Kenyatta we yavuze ko igihe cy’amatora cyarangiye, igisigaye ari uguteza imbere igihugu.

Ibyo gusubiramo amatora bisa n’ibitazashoboka kuko Amerika n’u Bwongereza bishaka guhuza impande zombi byamaze gushimira Kenyatta ku ntsinzi yabonye akanayirahirira, gusa byose bisaba ko haba ibiganiro.

Kenyatta yatsinze amatora yo ku itariki 26 Ukwakira 2017, yateguwe bwa kabiri nyuma y’uko urukiko rw’Ikirenga rwari rwatesheje agaciro ibyari byavuye mu matora yo muri Kanama. Amatora ya kabiri Odinga yanze kuyitabira avuga ko atazaba mu mucyo.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...