konka coffee
KONKA

AMAKURU

UKWEZI

Perezida Nkurunziza yatangiye gukusanya inkunga y’amatora ya Perezida yo muri 2020

Perezida Nkurunziza yatangiye gukusanya inkunga y’amatora ya Perezida yo muri 2020
14-08-2017 saa 13:22' | By Vincent Nsengiyumva | Yasomwe n'abantu 2734 | Ibitekerezo 1

Perezida w’u Burundi, Pierre Nkurunziza,yatangije ibikorwa byo gukusanya inkunga y’amafaranga azakoreshwa mu matora y’umukuru w’igihugu ateganyijwe mu 2020, ubwo manda ye ya gatatu izaba igeze ku musozo n’ubwo we adahwema kugaragaza ko ari manda ya 2 asoje.

Pierre Nkurunziza aherutse gusura agace avukamo ka Ngozi gaherereye mu Majyaruguru y’igihugu atanga amadolari ibihumbi bitatu bisa nk’aho yatangizaga igikorwa cyo gkangurira abandi kugera ikirenge mu cye hagashingwa ikigenga cyajya gikusanyirizwamo amafaranga azabafasha muri kiriya gihe.

Perezida Nkurunziza yashishikarije cyane Abarundi gutanga babikuye ku mutima buri wese akagira uruhare rwe mu gushyigikira amatora ari imbere.

Yagize ati "Abemeye gutera inkunga ibikorwa by’amatora mu mwaka wa 2015 bakoze umurimo ukomeye ku buryo byanateye abandi Barundi imbaraga babikora mu cyumweru kimwe gusa.”

Nyuma y’uko Umuryango w’Ibihugu by’Ubumwe bw’u Burayi wari umaze guhagarika inkunga wageneraga u Burundi muri 2015, ubushinja kutubahiriza uburenganzira bwa muntu, guverinoma yahise ishyiraho ikigega ku buryo 70% by’ingengo y’imari yakoreshejwe mu matora yavuye muri icyo kigega nk’uko ikinyamakuru The EastAfrican kibitangaza.

Biteganyijwe ko amatora y’umukuru w’igihugu muri 2020 azatwara ingengo y’imari ingana na miliyoni 45 z’Amadorali y’Amerika kandi yose akazava mu Barundi.

Muri Mata 2015, muBurundi hadutse imyigaragambyo ikomeye y’abatarashyigikiye icyemezo cya Perezida Nkurunziza cyo kongera kwiyamamariza kuyobora iki gihugu, aho bavugaga ko bihabanye n’ibiteganywa n’Itegeko Nshinga ry’iki gihugu, maze abaturage bagera kuri 500 bahasiga ubuzima abandi babarirwa mu bihumbi bahungira mu bihugu by’ibituranyi.


INKURU ZA :
Tanga Igitekerezo
Ibitekerezo 1
Etienne Kuya 20-08-2017

E se nawe arashaka fuhindura itegeko nshinga. Les presidents africains cyanebarebeye kuri Tanzania koko bakareka museveni. Ariko Peter ni umurokore ntiyatuma biba kandi abarundi baramukunda

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...