konka coffee
KONKA

AMAKURU

UKWEZI

Ibaruwa Barack Obama yandikiye Perezida Trump yagiye aharagara iteza impagarara

Ibaruwa Barack Obama yandikiye Perezida Trump yagiye aharagara iteza impagarara
4-09-2017 saa 08:46' | By Akayezu Jean de Dieu | Yasomwe n'abantu 10548 | Ibitekerezo

Ibaruwa yari yaragizwe ibanga ikubiyemo ubutumwa, Barack Obama wahoze ayobora Leta zunze ubumwe za Amerika yageneye Perezida Donald Trump wamusimbuye kuri uyu mwanya, yamaze kujya ahagaragara ndetse ubu butumwa bukaba bukomeje guteza urujijo n’impagarara cyane ko Trump atigeze na rimwe yubahiriza ibyanditse muri iyi baruwa.

Iyi baruwa yashyizwe ahagaragara n’ikinyamakuru CNN kuri iki Cyumweru tarikki 03 Nzeri 2017, igaragaza ubutumwa bukubiyemo byinshi mubyo uyu muyobozi mushya azanyuramo ubwo azaba ayoboye Leta Zunze Ubumwe za Amerika, akaba kandi yaranamwifurizaga kuzagira amahirwe ndetse no kuzasohoza inshingano ze mu rwego rwo gusigasira igihango yagiranye n’ama miliyoni y’abaturage ba Amerika bamugiriye icyizere bakamutorera kuba Perezida wa 45 w’iki gihugu cy’igihangange ku isi.

Iyi baruwa irimo ubutumwa buri mu byiciro bine igizwe n’amagambo 275 , Barack Obama yayimwandikiye ubwo Perezida Trump yarahiriraga kuyobora Amerika. Hari aho abwira Perezida Trump ko n’ubwo abantu baba bararemwe ndetse barahawe umugisha n’Imana mu buryo butandukanye ariko abantu bose atari ko bafite amahirwe angana ariko ari ibya buri muntu gukora cyane kugira ngo agere ku ntsinzi.

Ikindi Obama asaba Trump kwitwararika, akinyuza mu kumumenyesha ko kuyobora Leta zunze ubumwe za Amerika bitandukanye cyane no kuyobora ikindi gihugu ari nayo mpamvu akwiye gukurikiza amategeko mpuzamahanga cyane ko ariyo yafashije iki gihugu kwaguka no gukungahara nyuma y’intambara y’ubutita. Aha kandi Barack Obama asoza ubu butumwa bwe abwira Trump ko by’umwihariko we na Michelle Obama bifurije ibyiza umuryango wa Perezida Trump kuri ubu wicaye muri White House.

Iyi baruwa yageze kuri iki kinyamakuru binyuze kuri umwe mu bashyitsi basuye Perezida Trump muri White House akabasha kuyimwereka, nyuma yo kujya ahagaragara abantu benshi bakomeje kugaya cyane Trump ku kuba kugeza ubu adakurikiza inama yahawe na Obama, ndetse hari n’abari kugereranya ubu butumwa n’itegeko nshinga ahanini bagendeye ku nama n’impanuro zibukubiyemo ariko uyu Trump akaba atari yubahiriza n’ingingo n’imwe mu gihe cyose amaze ayobora Leta zunze ubumwe za Amerika.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...