konka coffee
KONKA

AMAKURU

UKWEZI

Ibyo guhirika Robert Mugabe no gufunga umugore we Grace Mugabe ntibivugwaho rumwe

Ibyo guhirika Robert Mugabe no gufunga umugore we Grace Mugabe ntibivugwaho rumwe
15-11-2017 saa 10:37' | By Vincent Nsengiyumva | Yasomwe n'abantu 14741 | Ibitekerezo 3

Ingabo za Zimbabwe zazindutse zitangaza ko zafashe ubutegetsi bw’iki gihugu aho zivuga ko ziri mu mugambi wo kwikiza no kwigizayo abanyabyaha bakorana bya hafi na Perezida Mugabe.Kugeza ubu urugo rwa Perezida Mugabe ruracunzwe bikomeye ariko izi ngabo ntizemera ibyo guhirika ubutegetsi bwa Mugabe byakwirakwijwe n’ibitangazamakuru bitandukanye.

Ku mugoroba wo kuri uyu wa Kabiri nibwo igisirikare cya Zimbabwe cyafashe Radio na Televiziyo by’igihugu maze batangira gutangaza ko hari bamwe mu bayobozi bakuru bagiye guhigwa bukware kubera uruhare rwabo mu guhungabanya ubukungu bw’igihugu.

Bamwe mu bagize Ishyaka Zanu PF ryari riyobowe na Mugabe batishimira imiyoborere ye ndetse n’abatavuga rumwe n’ubutegetsi bahise batangaza ko uyu Mukambwe yasimbuwe kandi ko Zimbabwe atari umutungo bwite we.

BBC ivuga ko bakimara gufata Televiziyo y’igihugu, umugaba w’ingabo za Zimbabwe Maj Gen Sibusizo Moyo yahise atangaza ko hagiye gukurikiraho guhiga bukware abayobozi bakoranaga bya hafi na Mugabe bagize uruhare mu guteza ibibazo by’ubukungu byamunze iki gihugu.

Yagize ati "Icyo tugamije ni ukwegezayo abanyabyaba bakorana bya hafi na Mugabe bagize uruhare mu gushyira ubukungu bw’igihugu cyacu aharindimuka."

Uyu mugaba w’ingabo za Zimbabwe Maj Gen Sibusizo Moyo yakomeje avuga ko abaturage ba Zimbabwe badakwiye guterwa ubwoba n’ibyabaye mu gihugu cyabo ko ahubwo bagomba kuguma mu mahoro ariko bakirinda kugendagenda bitari ngombwa gusa asaba abakora imirimo yabo kugomeza kuyikora.

Ati "Ntihagire uterwa ubwoba n’iki gikorwa, mureke ubwoba, mutuze mu gihe gito ubwo tuzaba turangije gahunda yacu ibintu byose birasubira mu buryo."

Kuva mu gitondo cyo kuri uyu wa Gatatu nibwo hatangiye gucicikana amakuru avuga ko Mugabe yahiritswe ku butegetsi ndetse ko n’umuryango we waba uri mu kaga, ariko igisirikare cya Zimbabwe cyo kikaba cyabiteye utwatsi aho kigaragaza ko Mugabe akiri Perezida wa Repubulika kandi ko we n’umuryango we bameze neza.

Ikinyamakuru Herald cyandikira muri Zimbabwe kivuga ko nta ’coup d’etat’ yabayeho ko ahubwo icyakozwe n’ingabo ari gahunda yo kwikiza abayobozi bo hejuru bakora akazi nabi bikagira ku gihugu.

Ikinyamakuru The guardian cyandikira mu Bwongereza nacyo kivuga ko icyakozwe muri Zimbabwe atari uguhirika ubutegetsi nk’uko ingabo z’iki gihugu zibivuga ko ahubwo icyabaye ari uko ingabo zafashe umurwa mukuru wa Harare nk’uburyo bwo kugera ku banyabyaha byoroshye.

CNN nayo ivuga ko igisirikare cya Zimbabwe cyatangaje ko nta Coup d’etat yabayeho ahubwo ko bakajije umutekano mu bice bimwe na bimwe by’umugi wa Harare mu rwego rwo guhosha umwuka mubi wa politike wari muri iki gihugu ndetse no guhiga bamwe mu bayobozi bakuru bakekwaho uruhare mu nguhungabanya ubukungu bw’igihugu.

CNN ikomeza ivuga ko n’ubwo igisirikare cyatanze ubutumwa bw’ihumure mu baturage ba Zimbabwe, ngo ubwoba ni bwose mu mujyi wa Harare, aho bamwe bari kuvuga ko ubutegetsi bwa Mugabe bushobora kuba bwageze ku iherezo n’ubwo igisirikare kiterura ngo kibivuge.

Bamwe mu batavuga rumwe n’ubutegetsi bwa Mugabe nabo baremeza ko icyabayeho ari Coup d’etat ngo ahubwo ingabo za Zimbabwe zanze guhita zibishyira ahagaragara.

Alex Magaisa wahoze akora mu biro by’uwahoze ari Minisitiri w’intebe wa Zimbabwe Morgan Tsvangirai, utavuga rumwe n’ubutegetsi yabwiye CNN ko icyabaye ari Coup d’etat yahinduriwe izina.

Abayobozi bakuru bamaze gutabwa muri yombi harimo Minisitiri w’Imari, Minisitiri w’Uburezi ndetse na bamwe mu Bakomiseri bakuru mu ishyaka rya Zanu PF.

Urubuga rwa Twitter rw’ishyaka ZANU-PF riyobowe na Perezida Mugabe narwo rwatangaje ko amakuru ya Coup d’etat yatangajwe ari ibihuha ko ahubwo ari igikorwa cy’ingabo cyo guta muri yombi abanyabyaba cyabayeho, aho nabo bashimangira ko Mugabe n’umugore we Grace Mugabe bameze neza kandi ko akiri perezida

Umugore wa Perezida Mugabe, Grace Mugabe yahunze igihugu

Amakuru dukesha ikinyamakuru Express.co.uk , theguardian ndetse na BBC avuga ko umugore wa Perezida Mugabe ndetse n’abana be batakibarizwa muri Zimbabwe aho bivugwa ko ngo bahungiye muri Namibia.

Uretse ihunga rya Grace Mugabe, muri iki gihugu hakomeje gututumba umwuka mubi aho bivugwa ko igisirikare cyatangiye ibikorwa bidasanzwe birimo gukubita no kunyaga intwaroaba polisi bo muri iki gihugu ndetse no gufunga imihanda ku buryo budasanzwe.

Visi-Perezida Emmerson Mnangagwa w’imyaka 75, Mugabe yari yirukanye mu minshi ishize yatangaje ko yavuye mu buhungiro bikaba bivugwa ko ari we ugiye kuyobora igihugu mu nzibacyuho ibintu bikomeje gutera urujijo kuko kugza magingo aya igisirikare ntikirerura ngo gitangaze ikijya mbere.

Ibiro Ntaramakuru bya Afurika y’Epfo byemeje ko Robert Mugabe yabwiye mugenzi we Jacob Zuma ko afungiwe iwe mu rugo, ariko ko ameze neza.

NTUJYE KURE TURAKOMEZA KUGENDA TUBAGEZAHO AMAKURU AJYANYE N’IBYO MURI ZIMBABWE UKO AGENDA AHINDUKA


INKURU ZA :
Tanga Igitekerezo
Ibitekerezo 3
haguma Kuya 16-11-2017

nibavaneho ntampamvu yogufata abanyagihugu nkinjiji kbsa gutegeka mpaka warangiza nguzasimburwa numugorewawe cg umwana wawe ibyo byari byakera ikigihe ntibishobokaye ntanaho bizongera kuba

reponse torero Kuya 15-11-2017

mugabe yaramaze gusaza abategetsi bafraca baku nda utegetsi cyane bumva bavanwaho nurupfu arikosikobizahoro bazajya bavaho nkakadafi

hategekimana jotham Kuya 15-11-2017

birakwiye ko mugabe akurwa ku butegetse kuko ntaheza akijyanana,

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...