konka coffee
KONKA

AMAKURU

UKWEZI

Icyemezo cya Perezida Trump cyateje impagarara, Abanya-Palestine bati ‘ari kwicukurira imva’-Amafoto

Icyemezo cya Perezida Trump cyateje impagarara, Abanya-Palestine bati ‘ari kwicukurira imva’-Amafoto
7-12-2017 saa 09:43' | By Vincent Nsengiyumva | Yasomwe n'abantu 2146 | Ibitekerezo

Perezida wa Leta Zunze Ubumwe za Amerika (USA), Donald Trump, yatangaje ko igihugu cye cyemeje bidasubirwaho ko Yeruzalemu ari wo Murwa Mukuru wa Israel, icyemejo cyashaririye abanya-Palestine ku buryo bahise bigabiza imihanda babyamagana ndetse bagaragaza ko uyu muyobvozi adashakira amahoro ibihugu byombi.

Trump yabitangarije muri White House kuri uyu wa Gatatu tariki ya 6 Ukuboza aho byari bitegerejwe n’imbaga y’abantu hirya no hino ku Isi cyane ko abayobozi benshi b’ibihugu bitandukanye bari bumvikanye baburira Perezida Trump ko n’aramuka yemeje ko Yerusalemu ibaye Umurwa mukuru wa Israel bizateza ingaruka zikomeye hagati y’ibihugu byombi ndetse no ku Isi yose muri rusange.

Ubwo yasomaga uyu mwanzuro wari utegerejwe na benshi,, Perezida Trump yavuze atabiciye inyuma ko bigamije inyungu za Leta Zunze Ubumwe za Amerika ndetse no gushaka amahoro hagati ya Israel na Palestine. Trump yahise anerura avuga ko Amabasade ya Leta Zunze Ubumwe za Amerika igiye guhita itangira imyiteguro yo kuva i Tel Aviv [hahoze ari umurwa mukuru wa Israel] bakerekeza mu murwa mukuru mushya wa Yeruzalemu nk’uko yabyemeje.

Iki cyemezo cya Perezida Trump cyahawe umugisha Minisitiri w’Intebe wa Israel, Benjamin Netanyahu, aho yahise atangaza ko ari umunsi w’amateka kandi ko Israel yishimiye by’agahebuzo Perezida Trump.

Abaturage bo mu bice bitandukanye muri Palestine ndetse n’Umutwe ugendera ku matwara ya Islam muri iki gihugu, Hamas, n’utundi duce dutuwemo n’abayoboke b’idini ya Islam baraye mu mihanda mu myigaragambyo igaragaza ko bashaririwe bikomeye n’icyemezo cya Trump, aho bagenda batwika amabendera ya USA , ndetse banagaragaza ko hari icyo bagomba gukora mu rwego rwo guca agasuzuguro ka Trump.

Muri iyi myigaragambyo ikomeye, abanya- Palestine mu magambo akomeye barimo gukoresha, bari kuvuga ko ibyo Perezida Trump yakoze ari nko kwifungurira amarembo y’imva.

Umuyobozi w’Umutwe ugendera ku matwara ya Islam, Hamas muri Palestine, Ismail Haniyeh, yavuze ko ibyemezo Trump yafata byose bitazakuraho ukuri kugaragazwa n’amateka y’ibi bihugu byombi [Israel na Palestine].

Iki cyemezo cya Trump cyakunze kunengwa n’abatari bake barimo; Papa Francis na Perezida wa Turikiya, Recep Tayyip Erdoğan, Perezida wa Turukiya, uwa Jordan, Palestine, Misiri, Arabia Saoudite na Macron w’ Ubufaransa aho bose bagaragazaga impugenge z’umutekano muke ushobora gukurikira.

JPEG - 40.1 kb

Perezida Trump yemeje bidasubirwaho ko Yeruzalemu ibaye Umurwa Mukuru wa Isiraheli

JPEG - 65.5 kb

Abaturage bo muri Palestine bariye karugu bari gutwika amadarapo ya USA

JPEG - 69.4 kb

Abagore bo muri Palestine nabo bahagurukiye kurwanya iki cyemezo

JPEG - 47.2 kb

Ismail Haniyeh, Uyobora Umutwe ugendera ku matwara ya Islam, Hamas yavuzeko abanya-Palestine bazi inzira zo gushaka ibisubizo by’ibibazo bahura nabyo

JPEG - 62.2 kb
JPEG - 39.6 kb
JPEG - 46.4 kb
JPEG - 74.5 kb
JPEG - 80.6 kb
JPEG - 55.5 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...