konka coffee
KONKA

AMAKURU

UKWEZI

Kenya: Hari imyigaragambyo ikomeye,Polisi irashinjwa kwicamo abasaga 30

Kenya: Hari imyigaragambyo ikomeye,Polisi irashinjwa kwicamo abasaga 30
16-10-2017 saa 11:58' | By Vincent Nsengiyumva | Yasomwe n'abantu 2303 | Ibitekerezo

Imiryango Iharanira Uburenganzira bwa Muntu (HRW) yashinje Polisi ya Kenya kwica abantu basaga 30 mu myigaragambyo ikomeye ikomeje kuba hirya no hino yo kwamagana ibyavuye mu matora y’Umukuru w’Igihugu yabaye ku wa 8 Kanama 2017.

Mu cyegeranyo cyasohowe mu gitondo cyo kuri uyu wa Mbere n’iyi miryango kigizwe n’impapuro 37 cyagaragaje ko inzego z’umutekano muri Kenya ziri mu bikorwa by’ubwicanyi buri gukorerwa abaturage bari mu mytigaragambyo.

Icyegeranyo cy’Imiryango Amnesty International na Human Rights Watch kivuga ko abishwe babarirwa muri 50 cyane cyane mu Murwa Mukuru Nairobi ndetse ngo muri aba bishwe hakaba harimo n’abana bato.

Iyi raporo ikomeza ivuga ko ubwo Komisiyo y’Amatora muri iki gihugu yatangazaga ibyavuye mu matora, ngo mu minsi ibiri gusa abantui 37 bari bamazez kugwa mu mvururuu zabikurikiye.

Iki cyegeranyo kigaragaza ko mu bantu bamaze kugwa mu mvururu zibera hiorya no hino muri iki gihugu ngo abagera kuri 7 ni abana bataruzuza imyaka y’ubukure barimo n’umwana muto w’amezi atandatu nawe bivugwa ko yishwe n’umwe mu bashinzwe umutekano muri Kisumu.

Iki cyegeranyo kiragira kiti “Abapolisi barashe urufaya rw’amasasu mu mbaga y’abigaragambya batarobanuye. Abatangabuhamya bavuga ko ubwo abigaragambyaga bakwiraga imishwaro maze polisi ikabakurikira abo ifashe ikabarasa, abandi ikabakubita kugeza bashizemo umwuka.”

Umuyobozi wungirije wa Amnesty International muri Afurika y’Uburasirazuba n’Akarere k’Ibiyaga Bigari, Michelle Kagari, yasabye ubuyobozi bwa Kenya kugira icyo bukora bakagarura umutekano mbere y’uko amatora y’umukuru w’igihugu yonera gusubirwamo.

Michelle Kagari yakomeje avuga ko ibiri kubera muri iki gihugu biteye ubwoba n’agahinda ngo kuko usanga abakagombye kurinda umutekano w’abanyagihugu aribo bawuhungabanya kugeza n’aho babambuye ubuzzima.

Yagize ati “ Abantu benshi bakomeje kwicwa umusubirizo abandi bagakomerekera bikabije mu mirwano bagirana n’igipolisi cy’igihugu.Ibi biteye isoni n’agahinda, gusa Leta ya Kenya igomba gukora ibishoboka byose ikabihagarika m,bere y’uko amatora asubirwamo.”

Si ubwa mbere muri iki gihugu hagaragaye imvururu zikomeye ndetse hakagwamo n’abatari bake mu bihe by’amatora kuko no muri 2008 abagera ku 1000 bapfuye ubwo Mwai Kibaki yatangazwaga nk’uwatsinze Raila Odinga mu matora.

Imiryango mpuzamahanga irashinja Polisi ya Kenya kwica abaturage


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...