konka coffee
KONKA

AMAKURU

UKWEZI

Kenya: Raila Odinga yatesheje agaciro intsinzi ya Kenyatta

Kenya: Raila Odinga yatesheje agaciro intsinzi ya Kenyatta
1-11-2017 saa 10:27' | By Akayezu Jean de Dieu | Yasomwe n'abantu 4204 | Ibitekerezo

Raila Odinga, Umuyobozi w’impuzamashyaka atavuga rumwe n’ubutegetsi muri Kenya (NASA), yavuze ko ibyavuye mu matora yasubiwemo tariki 26 Ukwakira nta gaciro bifite ndetse n’intsinzi ya Uhuru Kenyatta wamutsinze nta shingiro ifite.

Raila Odinga utarigeze yumvikana agira icyo avuga ku kuba yaratsinzwe bwa kabiri na Kenyatta, kuri uyu wa Kabiri tariki 31 Ukwakira 2017, nibwo yatangaje bwa mbere uko yakiriye ibyavuye mu matora ari nabwo yahise ahamya ko nta gaciro bifite ahubwo abaturage by’umwihariko abatavuga rumwe n’ubutegetsi bagomba gukomeza gahunda yo kwigaragambya bamagana intsinzi ya Perezida Kenyatta.

Amatora yo muri Kenya yasubiwemo tariki 26 Ukwakira aho Kenyatta yegukanye intsinzi ku kayabo k’amajwi asaga 98. % mu gihe Raila Odinga yatahanye hafi 0.8% gusa kuri we asanga ataratsinzwe ndetse n’uwamutsinze nta shingiro bifite nk’uko bigaragara ku kinyamakuru Nairobi News dukesha iyi nkuru.

Amatora y’Umukuru w’Igihugu muri Kenya yari yabaye ku wa 08 Kanama 2017 ariko ibyayavuyemo biza guteshwa agaciro n’Urukiko rw’Ikirenga rwahise rwanzura ko atanyuze mu mucyo, rutegeka ko yongera kuba mu gihe kitarenze iminsi 60

Mu matora yari yabanje, Uhuru Kenyatta yagize amajwi 54 % naho Raila Odinga aza ku mwanya wa kabiri n’amajwi 44 %. Ibi kandi byongeye gushimangirwa n’amatora yabaye kuri uyu wa 26 Ukwakira 2017, aho Kenyatta nabwo yatowe n’abantu basaga milliyoni 7.5


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...