konka coffee
KONKA

AMAKURU

UKWEZI

Menya umugambi wa Mike Sanko waherekeje Perezida Kenyatta mu kurahira kwa Paul Kagame

Menya umugambi wa Mike Sanko waherekeje Perezida Kenyatta mu kurahira kwa Paul Kagame
19-08-2017 saa 11:05' | By Emile Niyonzima | Yasomwe n'abantu 22852 | Ibitekerezo 6

Mike Sonko uherutse gutorerwa kuyobora umujyi wa Nairobi yaherekeje Perezida Uhuru Kenyatta mu Rwanda mu muhango wo kurahira kwa Perezida Paul Kagame. N’ubwo yari aje mu birori, yari anafite umugambi wo kuza gufata amasomo ashaka gushyira mu bikorwa mu mujyi ayobora wa Nairobi, ndetse yagaragaje ko aya masomo yayabonye ahagije.

Uyu muyobozi w’Umujyi wa Nairobi, Mike Sonko, mbere yo gutangira akazi yatorewe, yatangije ubukangurambaga bugamije guca umwanda mu mujyi ayobora wa Nairobi, ahita atekereza ko icya mbere agomba gukora ari ukuza gufata amasomo mu Rwanda, aho Kigali yamamaye mu mahanga nk’umujyi urangwamo isuku idasanzwe.

Mike Sonko umaze igihe gito atorewe kuyobora umujyi wa Nairobi ni umwe mu bagaragaye mu muhango wo kurahira kwa Perezida Paul Kagame kuri uyu wa Gatanu taliki 18 Kanama 2017, akaba yari yaje mu Rwanda aherekeje Perezida Uhuru Kenyatta uherutse gutorerwa gukomeza kuyobora Kenya. Nkuko byagarutsweho cyane n’itangazamakuru ryo muri Kenya ndetse n’abanyakenya benshi barimo n’uyu Mike Sonko ubwe, ngo impamvu nyamukuru yatumye aba bayobozi bombi bazana ntishingiye gusa kuri Politiki z’ibihugu byombi, ahubwo ngo ni ukugira ngo yige amenye uko umujyi wa Kigali wageze ku isuku iwugaragaramo ngo nawe azabikore muri Nairobi.

Ku italiki 17 Kanama 2017, umunsi umwe mbere yo kuza mu Rwanda, Mike Sonko yari yanditse kuri twitter ko umujyi wa Nairobi ugomba kugira isuku nk’iboneka mu mujyi wa Kigali, kandi ibi ngo we n’abaturage bagomba gukora amanywa n’ijoro bakabigeraho.

Na mbere y’uko Mike Sonko asura u Rwanda, ku itariki 2 Kamena 2017, nabwo yavuze ko bafite byinshi byo kwigira ku Rwanda, aha atanga urugero rw’umuganda uba rimwe mu kwezi. Ibyo akaba yarabitangaje ataratorerwa kuyobora Nairobi.

Kuva uyu mugabo Mike Sonko yatorerwa kuyobora Nairobi, yatangije ibikorwa byo gusukura imihanda yo muri uyu mujyi ufite iterambere mu myubakire, mu bucuruzi n’ibindi ariko ukaba ukigaragaramo umwanda.

Kimwe mu bintu uyu Mike Sonko azwiho cyane muri Kenya, ni uko akunzwe cyane n’urubyiruko kuko yambara nkarwo ndetse akitwara nkarwo. Kubera iyo mpamvu yo gukundwa n’urubyiruko, na mbere yo gutangira akazi ko kuyobora Nairobi, yatangije ubukangurambaga yise “Guhindura Nairobi umujyi wa mbere ufite isuku muri Afrika". yavugaga ko azafatanyamo n’inshuti ze z’urubyiruko rutuye muri uyu mujyi.

Uyu muyobozi (wambaye ibitukura) agerageza kubana neza n’urubyiruko

Nairobi imaze igihe ari umujyi urangwamo umwanda n’ubwo wateye imbere mu bindi

Kenya imaze kugerageza guca amashashi inshuro 2 byanga , muri 2007 ndetse no muri 2011. Kugeza ubu ubushakashatsi buvuga ko buri kwezi muri Kenya hakorwa amashashi angana na toni 4,000. Nyuma y’aho abanyakenya bamwe basabiye Perezida Uhuru Kenyatta ndetse n’inteko Inshinga Amategeko ya Kenya ko baca amashashi mu kwezi kwa Werurwe 2017, itegeko ryamaze gusohoka mu igazeti ya leta, rivuga ko guhera tariki ya 1 Nzeri 2017 gahunda yo guca amashashi hagamijwe isuku izatangira kubahirizwa.


INKURU ZA :
Tanga Igitekerezo
Ibitekerezo 6
Ndagije Kuya 4-09-2017

Kenya nitwigireho ,abanyarwandaturabambere ku’isuku

lolo Kuya 19-08-2017

Nonese barayibeshyera na tweet yiyandikiye bakayihimba? Nawe ugasoza uvugako ahari ibiryo.... as if kugira ibiryo bigomba gutuma ugira umwanda? Ikindi niba ujya usoma ibintamakuru bya Kenya wakabaye kino kibazo ukizi kuko nomucyumweru gishize ataranarahira yahise akoresha umuganda ariko abanya Nairobi benshi ntibarabyumva kimwe nawe. Ntugahakane utabanje kureba kurundi ruhande. Google yoroheje ubuzima ujye ushakisha amakuru.

Kamanzi Kuya 19-08-2017

Umuganda ni Habyarimana wawuzanye ariko barawumuregaga ngo ni uburetwa none niwo tukigenderaho. Nibindi byinshi tugenderaho niwe wabizanye.

Kamanzi Kuya 19-08-2017

Umuganda ni Habyarimana wawuzanye ariko barawumuregaga ngo ni uburetwa none niwo tukigenderaho. Nibindi byinshi tugenderaho niwe wabizanye.

Kayirangwa Vestine Kuya 19-08-2017

isura nukumuntu asa.

olivier Kuya 19-08-2017

murayibeshyera kbsa
ahari ibiryo ntihabura umwanda

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...