konka coffee
KONKA

AMAKURU

UKWEZI

Mu mvugo y’uburakari, Perezida Trump yahaye gasopo Kim Jong wa Koreya ya Ruguru

Mu mvugo y’uburakari, Perezida Trump yahaye gasopo Kim Jong wa Koreya ya Ruguru
8-11-2017 saa 08:10' | By Akayezu Jean de Dieu | Yasomwe n'abantu 4048 | Ibitekerezo 2

Perezida wa Leta zunze ubumwe za America, Donald Jr Trump ukomeje kugaragaza ko ababajwe ndetse yarakajwe cyane n’umugambi mubisha Koreya ya Ruguru ikomeje wo gucura ibisasu bya kirimbuzi yahaye gasopo Perezida Kim Jung Un w’iki gihugu ndetse anamusaba kutazibeshya ngo agerageze USA, anamugira inama y’uko ibitwaro bya kirimbuzi yirirwa agerageza ari ibyo gushyira ubutegetsi bwe mu byago no ku mukururira abanzi benshi.

Ku munsi we wa kabiri w’uruzinduko rw’akazi benshi batavuzeho rumwe dore ko barwise urw’igihe kirekire mu bihugu by’I Burayi, kuri uyu wa Mbere tariki 7 Ugushyingo 2017, Perezida Trump yari mu gihugu cya Koreya y’Amajyepfo.

Ubwo yaganiraga n’abagize Inteko Ishinga Amategeko y’iki gihugu, Perezida Trump yishimiye ibyo iki gihugu cyabo kimaze kugeraho nyuma y’intambara (Koreans War), Trump kandi yikomye bikomeye mugenzi we wa Koreya ya Ruguru ndetse anamuha gasopo amusaba ko atazigera na rimwe agerageza gutera America.

Perezida Trump kandi yaburiye Kim Jung Un ko igihugu cya Koreya ya Ruguru akomeje gutegeka uko ashatse atari ubwami sekuru yamusigiye ndetse asaba ibihugu birimo Ubushinwa, Uburusiya kwihuza bikarwanya iri curwa ry’ibitwaro bya Kirimbuzi Koreya ya Ruguru ukomeje gushyiramo imbaraga.

Yagize ati “Koreya ya Ruguru ntabwo ari Paradizo sogokuru wawe Kim II Sung yagusigiye ahubwo ni mu kuzimu hadakwiye abantu. Isi ntabwo yakwihanganira ingoma yawe iri guteza ibibazo n’ibitwaro bya kirimbuzi ibihugu byose bigomba kwifatanya bigahuza imbaraga bikakurwanya n’ibyo bitwaro bya kirimbuzi ntihagire ugushyigikira cyangwa ngo yemere ibyo urimo gukora”

BBC dukesha iyi nkuru ivuga ko umugambi wa Koreya ya Ruguru wo kugerageza ibisasu bya kirimbuzi ari imwe mu ngingo iri gukunda kugarukwaho na Perezida Trump mu ruzinduko rwe ari kugirira mu bihugu bya Aziya, yatangiriye mu Buyapani, Koreya y’Epfo ndetse akaba ateganya gukomereza mu Bushinwa, akazahava akomereza muri Vietnam n’ibirwa bya Philippines muri iki Cyumweru.


INKURU ZA :
Tanga Igitekerezo
Ibitekerezo 2
.. Kuya 19-11-2017

hhhhhhhhhh kadutegereze result zibi pe

J damas Kuya 8-11-2017

Mwaramutse.
Tubakosore gatoya, ntago Trump ari kumugabane w’uburayi ahubwo ari kumugabane wa Asia

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...