konka coffee
KONKA

AMAKURU

UKWEZI

Perezida Kabila arashinjwa gukoresha abarwanyi ba M23 mu kwica abasaga 60

Perezida Kabila arashinjwa gukoresha abarwanyi ba M23 mu kwica abasaga 60
4-12-2017 saa 13:01' | By Akayezu Jean de Dieu | Yasomwe n'abantu 1997 | Ibitekerezo

Perezida wa Repubulika iharanira Demukarasi ya Congo, Joseph Kabila arashinjwa kwinjiza mu gisirikare abahoze ari abarwanyi b’umutwe M23 kugira ngo bamufashe guhagarika imyigaragambyo yabaye mu Ukuboza 2016 igahitana abantu basaga 62 amagana n’amagana bagakomereka ndetse abandi benshi bakaburiramo ibyabo.

Nk’uko bigaragara mu cyegeranyo cyasohowe n’Umuryango mpuzamahanga urengera uburenganzira bwa muntu (Human Rights Watch), ngo Perezida Kabila yakoresheje abasirikare bakuru ba Leta ya Congo batoza abarwanyi bagera kuri 200 bahoze ari aba M23 baturutse mu bihugu bituranye na DR Congo.

Human Right Watch yagaragaje ko kuva tariki 19 kugeza 20 Ugushyingo, na tariki 19 ndetse na 20 Ukuboza 2016 aribwo abaturage ba Repubulika iharanira Demukarasi ya Congo bakoze imyigaragambyo basaba Perezida Kabila kurekura ubutegetsi bwagombaga kurangirana na Manda ye ya kabiri tariki 20 Ukuboza 2016 nk’uko Itegeko Nshinga ry’iki gihugu ribiteganya, igisirikare cy’iki gihugu kigahangana nabo ku buryo abagera kuri 62 bahasize ubuzima.

Muri iyi raporo HRW ikomeza ivuga ko yahawe ubuhamya na bamwe mu basirikare ba Leta bemeza ko aba barwanyi ba M23 bagarutse muri iki gihugu cyane mu Mijyi ya Goma na Lubumbashi n’ahandi hatandukanye ndetse ko ifashwa na Leta.

Iyi raporo yakozwe na HRW bivugwa ko habajijwe abantu 120 barimo 9 bari mu myanya yo hejuru mu gisirikare cya Leta ndetse n’abandi 21 bo muri M23 hakiyongeraho n’abandi bayobozi bayoborana na Kabila.

Mu buhamya batanze benshi bemeje ko kugeza ubu Joseph Kabila arimo gukoresha abahoze ari abarwanyi ba M23 ari nabo bagize uruhare mu kwica aba baturage bigararambyaga umwaka ushize basaba ko Kabila yarekura ubutegetsi mu maguru mashya.

Komisiyo y’amatora muri Repubulika iharanira Demukarasi ya Congo yatangaje ko amatora yo muri iki gihugu azaba tariki 23 Ukuboza 2018. Gusa abatavuga rumwe na Leta ya Kabila ntibigeze na rimwe bemeranya n’iki cyemezo aho basaba ko Kabila yahita akurwa ku butegetsi batagombye gutegereza ko amatora aba.

Abarwanyi ba M23 baravugwaho kwinjizwa mu mugambi wo guhagarika abigaragambyaga 62 bakahasiga ubuzima


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...