konka coffee
KONKA

AMAKURU

UKWEZI

Perezida Kagame yahishuye inkomoko y’iterambere ridasanzwe ry’u Rwanda

Perezida Kagame yahishuye inkomoko y’iterambere ridasanzwe ry’u Rwanda
17-09-2017 saa 16:00' | By Akayezu Jean de Dieu | Yasomwe n'abantu 2402 | Ibitekerezo 3

Perezida Kagame yavuze ko inkomoko y’iterambere ry’u Rwanda ari uko rwamaze kumenya ko ubukungu bwa mbere rufite ari abaturage bagomba kugira ubushobozi n’ubumenyi bubafitiye akamaro n’igihugu cyabo ari nabyo bituma kugeza ubu u Rwanda ari igihugu kibereye ishoramari nyuma urugendo rurerure abanyarwanda bakoze biyubakira igihugu.

Ibi yabitangaje kuri uyu wa Gatandatu tariki 16 Nzeri 2017, Ubwo yagezaga ijambo ku bayobozi mu nzego za leta n’abikorera b’ingeri zose n’abarimu muri za kaminuza bitabiriye inama ngarukamwaka ya Nantucket Project yari yitabiriwe n’abagera kuri 500 baganira kuri bimwe mu bishobora guteza imbere isi, ikaba isanzwe ibera muri Leta ya Massachussets muri Leta Zunze Ubumwe za Amerika. Muri iyi nama Perezida yongeye kugaruka ku rugendo rw’u Rwanda mu bumwe n’ubwiyunge nyuma ya Jenoside yakorewe Abatutsi mu 1994.

Ikiganiro Perezida Kagame yatanze cyavugaga ku kubabarira, aho yahereye ku nzira u Rwanda rwanyuzemo y’ubumwe n’ubwiyunge, akavuga ko kubabarira no kongera kwiyubaka ari ibintu u Rwanda rwari rukeneye cyane nk’igihugu cyari cyaratakaje ibintu byose muri Jenoside. Ati “Igihugu cyose cyagizweho ingaruka, haba ku ruhande rw’abahigwaga cyangwa se ababikoze. Twagombaga gushaka uburyo bwo kwiyunga. Twararebanye turibaza ngo ni gute twakwiyunga tugatangira kwiyubaka? Twagombaga kugira amahitamo dukora, byaje kugaragara ko buri wese hari igihombo yagize. Nta muryango n’umwe mu Rwanda utaragize icyo uhomba. Twaje no gusanga ibyo dukeneye bitazava hanze y’igihugu, byagombaga guhera muri twe, bigakorwa natwe ubwacu.”

Perezida Kagame kandi yavuze ko mu kongera kwiyubaka, Abanyarwanda babashije kumva neza ko ibyo badahuje aricyo bibaha imbaraga zabafasha kwiyubakira igihugu.
Nyuma y’urwo rugendo, yavuze ko ubu u Rwanda ari igihugu kibereye ishoramari kandi cyabashije kumva neza ko ubukungu bwa mbere gifite ari abaturage, bagomba kugira ubushobozi n’ubumenyi bubafitiye akamaro n’igihugu cyabo.

Yagize ati “Nka Guverinoma twagombaga kubaka uburyo budufasha kumva neza ibyo abashoramari bakeneye. Umuntu wese uje mu Rwanda aba akeneye umutekano we ndetse n’ishoramari rye. Twagombaga gukora ibishoboka bikaboneka Ibyo kandi byagendanye n’ishoramari mu ikoranabuhanga, ku buryo iyo munsi ari igihugu kibonekamo ikoranabuhanga na serivisi zirishingiyeho..”

Inama ngarukamwaka ya Nantucket Project imaze kwitabirwa no gutangwamo ibiganiro n’abayobozi batandukanye barimo Tony Blair wabaye Minisitiri w’Intebe w’u Bwongereza; Steve Wozniak, umushoramari akaba n’umwe mu bashinze Apple Inc; Senateri John McCain n’abandi. Kuri ubu ikaba iri kuba hagati ya tariki 14 – 17 Nzeri 2017 yanitabiriwe n’abakobwa barangije mu ishuri rya Gashora Girls Academy, banagize umwanya wo guhura na Perezida Kagame. Abitabira iyo nama bifashisha inkuru zitandukanye, bakagerageza gusangira ukuri ku bibera ku Isi.


INKURU ZA :
Tanga Igitekerezo
Ibitekerezo 3
nici Kuya 17-09-2017

kanama

K-H Kuya 17-09-2017

Our H E PK no change! we are behind u until 2034!

K-H Kuya 17-09-2017

Our H E PK no change! we are behind u until 2034!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...