konka coffee
KONKA

AMAKURU

UKWEZI

Perezida Mugabe yirukanye Visi Perezida, umugore we ashobora kumusimbura

Perezida Mugabe yirukanye Visi Perezida, umugore we ashobora kumusimbura
7-11-2017 saa 09:11' | By Vincent Nsengiyumva | Yasomwe n'abantu 839 | Ibitekerezo

Perezida Robert Mugabe wa Zimbabwe yirukanye mu kazi, Emmerson Mnangagwa wari Visi Perezida w’igihugu, amushinja kutubaha ubuyobozi bwe n’uburiganya.

Mnangagwa w’imyaka 75, wigeze kuyobora urwego rw’ubutasi muri Zimbabwe yari mu bantu bahabwaga amahirwe menshi yo kuzasimbura Perezida Mugabe. Yagizwe visi perezida mu mwaka w’2014.

Kwirukanwa kwa Mnangagwa ni kimwe mu bimenyetso simusiga bigaragaza ko Perezida Robert Mugabe ari gushaka inzira zose zishoboka zazakoreshwa mu kugeza umugore we Grace Mugabe ku mwanya w’umukuru w’igihugu bwo azaba atagishoboye kuyobora.

Grace Mugabe yari amaze iminsi ashyira igitutu ku mugabo we ngo akureho uwo Visi Perezida, nk’uko BBC dukesha iyi nkuru ibitangaza.

Mu ijambo aherutse kugeza ku bari bitabiriye inama yari yahuje Abarwanashyaka b’ishyaka riri ku butegetsi ZANU-PF, Grace Mugabe yavuzze ko hagomba gukorwa ibishoboka byose bakikiza umwanzi uri mu ishyaka ryabo.

Yagize ati " Inzoka igomba gukubitwa mu mutwe. Tugomba guhangana n’inzoka iri inyuma y’ibibazo byose biri mu ishyaka. Tugomba kugera mu nteko rusange turi ishyaka ryunze ubumwe.”

Mu mpera z’icyumweru gishize ubwo yari mu nama mu mujyi wa Bulawayo, Perezida Mugabe yavuze ko atazashidikanya kwirukana visi perezida Mnangagwa ku kazi. Itangazo rya Ministiri w’Itumanaho kw’iyurukanwa rya Mnangagwa rivuga ko yagaragaje ukutubaha no gukora imirimo inyuranye n’inshingano ze.

Hari abantu bamaze kugaragaza ko gukurwa kwa Mnangagwa ku mwanya wa visi perezida bigiye kongera amahirwe ya Grace Mugabe yo kuzasimbura umugabo we ku mwanya wa perezida wa Zimbabwe.

Mugabe w’imyaka 93 ayoboye Zimbabwe kuva mu 1987. Ni we mukuru w’igihugu ufite imyaka myinshi kurusha abandi bose kw’Isi.

Grace Mugabe na Emmerson Mnangagwa bari bamaze iminsi bafitanye ibibazo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...