konka coffee
KONKA

AMAKURU

UKWEZI

Perezida Museveni yahamije ko adashobora kuva ku butegetsi mu buryo bworoshye

Perezida Museveni yahamije ko adashobora kuva ku butegetsi mu buryo bworoshye
31-10-2017 saa 09:51' | By Akayezu Jean de Dieu | Yasomwe n'abantu 10318 | Ibitekerezo 3

Perezida wa Uganda, Yoweri Kaguta Museveni yavuze ko ari impirimbanyi y’ubwigenge ndetse yarwanye intambara nyinshi bityo adateze kuva ku butegetsi mu buryo busanzwe ahubwo ibyiza yabanza guhabwa umwanya wo gutegura uburyo azarekura ubutegetsi bwa Uganda.

Ibi Perezida Museveni yabigarutseho mu ijambo yagejeje ku nteko rusange y’Ishyaka rya NRM (National Resistance Movement) abereye umuyobozi ubwo bari mu nama yabaye mu mpera z’iki cyumweru dusoje yari yahuje abayobozi bakuru b’iri shyaka bagamije kwiga ku cyemezo cyo guhindura Itegeko Nshinga by’umwihariko ingingo y’102 (B) ivuga ku myaka uwiyamamariza kuba umukuru w’igihugu atagomba kuba arengeje (Age Limit), iyi ikaba ari nayo ikumira Museveni kuba yaziyamamariza manda itaha bitewe n’uko azaba yararengeje imyaka 75 itegenywa n’iyi ngingo.

Umunyamabanga ushinzwe itumanaho mu Ishyaka rya NRM, Mulindwa Rogers yasohoye itangazo rivuga ko iri shyaka ryamaze kwemeza ko habaho ihindurwa ry’iyi ngingo y’102(B) aho imyaka 75 yateganywaga n’iyi ngingo ihindurwa umuntu akaba yemerewe kwiyamamaza afite imyaka iyo ariyo yose mu gihe abifitiye ububasha n’ubushobozi.

Ikinyamakuru The New Vison dukesha iyi nkuru kivuga ko mu ijambo Museveni yagejeje ku bari bitabiriye iyi nama atigeze avuga ku kayabo k’amafaranga aherutse guhabwa abadepite ngo bige ku ihindurwa ry’iyi ngingo, ibintu byamaganiwe kure n’abatavuga rumwe n’ubutegetsi bwa Museveni bavuga ko ari ugusesagura umutungo w’igihugu .

Yagize ati “Ndi impirimbanyi y’ubwigenge yarwanye intambara nyinshi, sinshobora gusiga ibi gutyo ngomba kubanza kubitegura (Aha yavugaga kuva ku butegetsi), ikindi kandi ikibazo si imyaka umuntu afite ahubwo ikibazo ni ibyo ugeza ku baturage”

Iyi nkundura yo guhindura itegeko Nshinga muri Uganda yatangiye kugera ku ntera idasanzwe mu kwezi kwa Nzeri uyu mwaka aho bamwe mu batavuga rumwe na Leta ya Museveni bakomeje kurwanya iki cyemezo gusa Perezida Museveni we avuga ko atigeze ashyigikira ko iyi ngingo ihindurwa ahubwo byakozwe n’abaturage ba Uganda ari nayo mpamvu nawe agomba kubashyigikira kuko ari bo akorera.


INKURU ZA :
Tanga Igitekerezo
Ibitekerezo 3
pierrot Mugabo Kuya 1-11-2017

None se ko aziko atarabuhaga arimo gutesh’abantu umutwe gutwe ngo ni batore bahindur’itegekonshinga kuber’iyihe nyungu? Kugira gusa ngo bizitwe ko byaciye mu matora? Amatora se ukuntu agenda iwacu ntitubizi? Ibi byose amateka azabibabaza.

Jose Kuya 31-10-2017

Umusaza yagifashe bakanuye none batangiye kuzana iminzana

minani Kuya 31-10-2017

ninshimira museveni akomeze ayobore akurikije ubusobozi afite bwo kuyobora abaturage

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...