konka coffee
KONKA

AMAKURU

UKWEZI

Perezida Museveni yakuriye inzira ku murima abashaka kugarura intambara n’iterabwoba

Perezida Museveni yakuriye inzira ku murima abashaka kugarura intambara n’iterabwoba
9-10-2017 saa 16:00' | By Akayezu Jean de Dieu | Yasomwe n'abantu 3913 | Ibitekerezo 1

Perezida Yoweri Kaguta Museveni wa Uganda yongeye gukurira inzira ku murima abakomeje kuzana ibikorwa by’iterabwoba no guhungabanya igihugu ababwira ko kugezan ubu nta kintu na kimwe gishobora gukorwa ngo iki gihugu gisubire mu ntambara cyangwa hongere kwadukamo ibikorwa by’iterabwoba.

Ibi Museveni yabigarutseho kuri uyu wa Mbere Tariki 09 Ukwakira 2017, mu ijambo yagejeje ku baturage ba Uganda n’inshuti zifatanije n’iki gihugu mu kwizihiza imyaka 55 ishize kibonye ubwigenge, Perezida Museveni yavuze ko n’ubwo mu minsi ishize hari ibibazo by’umutekano muke aho bamwe mu baturage biganjemo abagore n’abana bagiye bahasiga ubuzima ariko nta muntu n’umwe ushobora kongera kuzana intambara cyangwa iterabwoba muri iki gihugu

Yagize ati “Hari ibyaha bimaze iminsi biri mu gihugu ariko ndagira ngo mbabwire ko ibyaha bitandukanye n’iterabwoba, kandi bitandukanye n’intambara. Mbabwije ukuri ko nta muntu wakongera kugarura iterabwoba cyangwa intambara muri Uganda, tuzakoresha imbaraga za polisi n’ingabo zacu mu gucunga umutekano wacu”

Perezida Museveni uyobora iki gihugu kuva mu w’1986 kandi yongeye kugaruka ku mateka y’ibihugu bya Afurika n’abakoroni ndetse anavuga uburyo ibi bihugu byikuye mu maboko y’abategetsi b’Iburayi bari barakoronije Afurika.

Yagize ati “Ubwo ibihugu bya Afurika birimo na Uganda byaharaniraga ubwigenge habayeho impinduramatwara mu bijyanye na siyansi n’ikoranaabuhanga ari naho twakuye amahirwe kuri Uganda na Afurika muri rusange atuganisha ku kwigira turasabwa rero gukora cyane kugirango tubashe kugera kuri iryo hinduramatwara muri Afurika ntabwo ari ibyoroshye niyo mpamvu bidusaba imbaraga nyinshi umuntu kugiti cye ndetse n’igihugu muri urusange kandi ibi ntabwo byagerwaho hatabayeho gukora cyane ari nabyo twe nka NRM twashyize imbere”.

Iyi myaka 55 ishize igihugu cya Uganda kibohoye ubutegetsi bw’Abongereza bari barakoronije iki gihugu kikaza kugezwa kuri ubu bwigenge na Milton Obote wari Minisitiri w’Intebe mu gihe cy’abakoroni ahita aba Perezida nyuma aza guhirikwa ku buitegetsi n’umunyagitugu Idi Amin Dada ahagana mu w’1971. Ibirori byo kwizihiza imyaka 55 Uganda ibonye ubwigenge byitabiriwe n’abayobozi batandukanye Amafoto:New Vision


INKURU ZA :
Tanga Igitekerezo
Ibitekerezo 1
Nkundimana fider Kuya 10-10-2017

Amakuru agezweho Mugihugu cyu burundi

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...