konka coffee
KONKA

AMAKURU

UKWEZI

Perezida Robert Mugabe yashize amanga avuga ko Donald Trump ari Goliyati wagarutse

Perezida Robert Mugabe yashize amanga avuga ko Donald Trump ari Goliyati wagarutse
22-09-2017 saa 12:03' | By Chief Editor | Yasomwe n'abantu 12165 | Ibitekerezo 5

Perezida Robert Mugabe w’igihugu cya Zimbabwe, ubwo yari mu Nama y’Umuryango w’Abibumbye, yanze kurya iminwa ashira amanga yita Perezida Donald Trump wa Leta Zunze Ubumwe za Amerika, Goliyati wagarutse ushaka guhahamura ibindi bihugu ndetse amusaba ko yacisha macye.

Umukambwe Robert Gabriel Mugabe w’imyaka irenga 93 y’amavuko, umwe mu bayobozi bazwiho kutarya iminwa no kudatinya kuvuga ukuri kumurimo, ubwo yahabwaga umwanya mu nama y’Umuryango w’Abibumbye, mu magambo ye yagize ati: "Bamwe muri twe twahungabanyijwe ndetse twikanga ko ari cya gikurankota Goliyati cyagarutse... Yaba ari Goliyati wagarutse gutera ubwoba ibindi bihugu? Ndashaka kubwira Perezida wa Leta Zunze Ubumwe za Amerika, nyakubahwa Trump, rwose cisha macye wubahe indangagaciro z’ubumwe, amahoro, ubufatanye, ubuhahirane n’ibiganiro, nizo ndangagaciro twaharaniye igihe cyose kandi bikwiye no kuba iturufu y’Umuryango w’Abibumbye"

Perezida Robert Mugabe wakunze kugaragaza ko atavuga rumwe na gahunda ya mpatsibihugu ishyirwa imbere n’ibihugu by’ibihangange ku isi, yagaragaje ko mu byo anenga Donald Trump, harimo no gukangisha ko igihugu kizava mu masezerano ya Paris ajyanye no kubungabunga imihindagurikire y’ikirere, amusaba ko hashyirwa imbere ubufatanye n’ubwumvikane hagati y’ibihugu bituye isi.

Donald Trump mbere yo gutorerwa kuba Perezida, mu gihe cyo kwiyamamaza yakunze kumvikana anenga aba perezida bo muri Afurika batarekura ubutegetsi avuga ko bidakwiye, aho yanavuze ko mu gihe yaba atorewe kuyobora Amerika azahagurukira aba perezida nk’aba anavuga ko hari abo azafunga.

Mu bo yagarutseho harimo Perezida wa Zimbabwe Robert Mugabe, Perezida Yoweri Kaguta Museveni wa Uganda ndetse na Pierre Nkurunziza w’u Burundi. Gusa nyuma yo gutorerwa kuyobora Leta Zunze Ubumwe za Amerika, byagaragaye ko ibi yavugaga byari uburyo bwo gushyushya ibikorwa byo kwiyamamaza.


INKURU ZA :
Tanga Igitekerezo
Ibitekerezo 5
Kayigema fjas Kuya 24-09-2017

Ahubwo ndumva ariwowe ukeneye kwiga Ikinyarwanda kuko ntabushobozi ufite bwo kunenga uwo munyamakuru bavuga umukambwe nicyo kinyarwanda nyacyo ahubwo uzasubire mukiburamwaka kwiga ariho uzatangirira.

dada Kuya 23-09-2017

Bugabe urumugabo PE.ntujya uripfana.ni cya Goliyati koko

nzabandora Kuya 23-09-2017

Kuki ukumda gukoresha ijambo UMUKAMBWE. Ese munyamakuru, wumva iryo jambo riri approprie?

Ni ukutamenya ikinyarwanda cg ni uburere buke?

Ubwo iyo uri iwanyu mugasurwa numusaza, ubwira so ngo hari umukambwe ugushaka?

Ndagijimana frank Kuya 22-09-2017

Murakoze kuduha amakuru nkayo gusa african ikeneye abayobozi nkabo mugabe na nyakubahwa paul kagame kuk ntibarya indimi imbere ya basungu

Pt Kuya 22-09-2017

Mugabe genda urumugabo utarya indimi bitewe nabo uhagaze imbere ubwira

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...