konka coffee
KONKA

AMAKURU

UKWEZI

Perezida Trump yasabye ko ’Green Cards’ zigomba gukurwaho vuba na bwangu

Perezida Trump yasabye ko  ’Green Cards’ zigomba gukurwaho vuba na bwangu
7-11-2017 saa 10:46' | By Vincent Nsengiyumva | Yasomwe n'abantu 3726 | Ibitekerezo 1

Perezida wa Leta Zunze Ubumwe za Amerika Donald Trump akomeje kugaragaza ko adashyigikiye gahunda ya ‘Green Cards’ aho we ayigereranya nk’inzira y’abagizi ba n’abi n’abanzi ba US, akaba asaba ko ikwiye guhagarikwa vuba na bwangu.

Ibi Perezida Trump yabigarutseho cyane nyuma y’ibitero by’ubwiyahuzi bimaze iminsi bibera mu bice bitangukanye muri Leta Zunze Ubumwe za Amerika bigahitana ubuzima bw’abatari bake.

Ubwo yari mu nama yari yahuriyemo n’abaminisitiri batandukanye ba US, Trump yavuze ko agomba kumvisha inteko rusange ingaruka zikomeye zo kwakira abimukira iki gihugu cy’igihangange gihura nazo, ku buryo bagomba gufata umwanzuro wo guhagarika gahunda ya ‘Green Cards’ vuba cyane.

Yagize ati "Ubu natangije urugamba rwo kuvanaho burundo gahunda iyo ariyo yose yinjiza abimukira muri US mpereye kuri gahunda ya ‘Green Cards’. Ubu ngiye kubwira inteko rusange gushaka umuti w’iki kibazo vuba na bwangu.”

Trump kandi yikomye cyane Senateri Chuck Schumer wo mu ishyaka ry’Abademokarate ngo kuko ari mu kanama kagize uruhare mu kwemeza umushinga wo kwemerera abimukira ‘Green Cards’ kuza gutura muri US mu mwaka w’i 1990.

Yagize ati “Abiyahuzzi bamaze kwigarurira igihugu cyacu kubera kudohorera abimukira no guha icyuho abanzi bacu bakinjira mu gihugu turebera, muri gahunda yasigirijwe na Chuck Schumer.”

Trump yashimangiye ko ubuyobozi bwa Leta Zunze Ubumwe za Amerika bugiye gukora ibishoboka byose mu gukuraho icyo yise ‘Inzira y’Abimukira’ ku buryo umuntu uzajya ubona uburenganzira bwo kwinjira muri iki gihugu azajya aba abikwiye koko.

Gahunda ya Green Cards’ ni gahunda imenyerewe cyane muri US, aho iki gihugu kiba kigomba guha Visa abagera kuri 50,000 baturuka hirya no hino ku isi bakajya kuba muri iki gihugu aho bashakirwa akazi abandi bagashakirwa amashuri na Guverinoma ya US.

Uyu mushinga wa Green Cards kandi washyizwe mu itegeko nshinga ry’iki gihugu mu mwaka w’i 1990 itangira gushyirwa mu bikorwa mu mwaka w’i 1995, kugeza ubu buri mwaka iyi gahunda ikaba ikorwa aho ababyifuza bose babisaba banyuze kuri Murandasi.

Perezida Trump yavuze ko gahunda ya ’Green Cards’ igomba gucika burundu


INKURU ZA :
Tanga Igitekerezo
Ibitekerezo 1
Natus Kuya 8-11-2017

Nishaka iveho njye konagezeyo abasigaye namwe mwirwarize musenge haboneke izindi nzira !!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...