konka coffee
KONKA

AMAKURU

UKWEZI

Perezida wa Guinea yashimiye Kagame ibyo yakoreye abaturage be

Perezida wa Guinea yashimiye Kagame ibyo yakoreye abaturage be
18-11-2017 saa 12:06' | By Akayezu Jean de Dieu | Yasomwe n'abantu 1102 | Ibitekerezo

Perezida wa Guinea Alpha Conde yashimiye mugenzi we Paul Kagame w’u Rwanda kubw’icyemezo yashe cyo gukuriraho impushya z’inzira (Visa) abaturage b’iki gihugu bashaka kugenderera u Rwanda.

Perezida Conde ari nawe uyobora umuryango w’Ubumwe bwa Afurika kuri ubu abinyujije ku rukuta rwe rwa Twitter yashimye umwanzuro uherutse gufatwa na Leta y’u Rwanda iherutse gukraho umwihariko wari usanzwe ku baturage b’ibihugu bya Afurika n’ibindi bike bashoboraga kubona viza ari uko bageze aho binjirira mu Rwanda.

Mu butumwa bwe Perezida Conde yagize ati “Kuva ku ya mbere 2018 abaturutse muri Guinea ntibazongera gusabwa viza yo kwinjira mu Rwanda. Korohereza urujya n’uruza rw’ibintu n’abantu ni iby’agaciro kanini ku mugabane wa Afurika. ‘Urakoze Paul Kagame.” Ubutumwa bwa Perezida Alpha Conde yanyujije kuri Twitter ashimira Perezida Kagame n’abanyarwanda

Ku wa 16 Ugushyingo 2017, Ikigo cy’Igihugu gishinzwe Abinjira n’Abasohoka, cyavuze ko Rwanda rwemeye guha viza y’iminsi 90 ku buntu abantu bo mu bihugu nabyo byemereye u Rwanda iyi serivisi aribyo Benin, Centrafrique, Tchad, Ghana, Guinea, Indonesia, Haiti, Senegal, Seychelles na Sao Tome et Principe.
Ibyo bihugu byaje byiyongera kuri Repubulika Iharanira Demokarasi ya Congo, ibihugu byo mu Muryango wa Afurika y’Uburasirazuba, Ibirwa bya Maurice, Philippines na Singapore.

Hari ibihugu byakuriweho Viza ku bafite pasiporo z’abadipolomate n’iza serivisi birimo Djibouti, Ethiopia, Gabon, Guinea, u Buhinde, Israel, Maroc na Turikiya.

Itangazo ryasoohowe n’ikigo cy’Igihugu gishinzwe abinjira n’abasohoka ryagiraga riti “Ku bemerewe viza y’iminsi 30 bahabwa bageze aho binjirira mu gihugu: Abaturage b’ibihugu byose, bazajya bahabwa viza bageze aho binjirira hatabayeho kuyisaba mbere guhera ku wa 01 Mutarama 2018. Abaturage b’ibihugu bya Afurika n’ibindi bike, nibo bari basanzwe bahabwa viza bageze aho binjirira.”

Naho abaturage b’ibihugu bigize Umuryango w’Ubukungu w’Ibihugu bya Afurika y’Amajyepfo, Comesa, nabo bazajya bahabwa viza y’iminsi 90 bageze aho binjirira mu gihugu gusa bazajya bishyura amafaranga yagenwe.

Ubusanzwe abaturage bo muri Comesa, bajyaga bahabwa viza y’iminsi 30 bageze aho binjirira nkuko byagendaga ku bandi bafite pasiporo z’ibihugu byo muri Afurika.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...