konka coffee
KONKA

AMAKURU

UKWEZI

Trump yaburiye Korea ya Ruguru ko nitisubiraho azayihindura umuyonga

Trump yaburiye Korea ya Ruguru ko nitisubiraho azayihindura  umuyonga
19-09-2017 saa 19:16' | By Vincent Nsengiyumva | Yasomwe n'abantu 4929 | Ibitekerezo

Mu ijambo Perezida Donald Trump yagejeje ku bagize inama rusange y’Umuryango w’Abibumbye, yikomye cyane ibihugu bya Iran, Syria, Venezuela, anavuga ko Korea ya Ruguru nikomeza ibikorwa byayo by’ubushotoranyi bazayisiba ku ikarita y’Isi.

Iri ni ijambo rya mbere rya Perezida Trump avugiye mu nama rusange y’Umuryango w’Abibumbye,iy’uyu mwaka ikaba iri kubera i New York. Trump yibanze cyane kuri Koreya ya Ruguru aho yavuze ko Amerika bizaba ngombwa ko isenya iki gihugu cyose niba kitaretse imigambi yacyo ya kirimbuzi.

Donald Trump yakomeje avuga ko Perezida wa Koreya ya Ruguru Kim Jong Un n’ubuyobozi bwe bari kwicukurira urwobo, ibintu yagereranyije no kwiyahura nk’uko BBC dukesha iyi nkuru ibitangaza.

Trump kandi yanavuze ko ibihugu byinshi ku Isi biri mu makimbirane ahoraho maze avuga ko bimwe muri ibyo bihugu biri mu bikorwa byo guteza amakimbirane nabyo biri kujya ikuzimu.

BBC ikomeza ivuga ko Trump yatunze urutoki ibihugu nka Iran na Venezuela maze abishinja kuba ari ibihugu byamunzwe na ruswa ndetse bikaba biyobowe n’ubutegetsi bw’igitugu.

Trump yavuze ko Amerika itazigera na rimwe iceceka cyangwa ngo irye iminwa mu gihe izabona hari abakora ibikorwa bishobora kugira ingaruka ku kiremwamuntu cyangwa ku Isi muri rusange.

Yanavuze ko hari abayobozi b’ibihugu badakora neza inshingano zabo ku neza y’abaturage bikaba aribyo bitera ibibazo bikomeye mu bihugu byabo bihora bitera abanyagihugu kubihunga maze bigateza ibibazo bikomeye ibihugu bahungiramo.

Yagize ati "Abayobozi b’ibihugu nibashyire inyungu z’ibihugu byabo n’abaturage babyo imbere nk’uko nanjye nshyize imbere inyungu za Amerika maze barebe ko ituze n’umudendezo bidakwira mu bihugu byabo.”


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...