konka coffee
KONKA

AMAKURU

UKWEZI

Trump yamaganye igitabo kivuga amabanga ye n’umuryango we muri White House

Trump yamaganye igitabo kivuga  amabanga ye n’umuryango we muri White House
5-01-2018 saa 13:38' | By Akayezu Jean de Dieu | Yasomwe n'abantu 1803 | Ibitekerezo

Perezida wa Leta Zunze Ubumwe za Amerika, Donald Trump yamaganye bikomeye igitabo gishya kitwa ‘Fire and Fury’ kigiye gushyirwa ahagaragara n’umunyamakuru Michael Wolff gikubiyemo amwe mu mabanga ya Perezida Trump n’umuryango we mu gihe bamaze muri White Hause, akaba avuga ko cyuzuyemo ibinyoma gusa.

Iki gitabo giteganijwe kugurishwa mu minsi ya vuba, kigaragaza byinshi byasaga nk’ibanga ku muryango wa Donald Trump muri aya mezi amaze ku butegetsi bwa Amerika uba muri White House isanzwe ituramo umuryango wa Perezida w’iki gihugu.

Muri iki gitabo hagaragaramo uburyo Perezida Trump yatunguwe bikomeye n’intsinzi ye ubwo yatsindiraga kuyobora Leta zunze ubumwe za Amerika.

Mu bindi biri muri iki gitabo harimo kuba Melania Trump, Umugore wa Trump yararize amarira menshi mu ijoro uyu mugabo yatoreweho, ndetse ngo Trump yari atewe ubwoba bukomeye no kurara muri White House.

Iki gitabo mu yandi mabanga gishyira ahagaragara harimo kuba umukobwa wa Trump, Ivanka Trump afite inzozi we n’umugabo we Jared Kushner ko ariwe uzaba umugore wa mbere uzayobora Amerika.

Ikindi abantu batazi kuri uyu muryango iki gitabo kizashyira ahagaragara ngo ni uko Ivanka Trump, ahora asetswa cyane n’inyogosho ya Papa we yitwa ‘Comb-Over’.

Iki gitabo cy’umunyamakuru Michael Wolff kigaragaza uburyo Trump yakundaga kuryamana cyane n’abagore b’abandi ndetse n’uburyo umunsi w’irahira rye yari arakaye ndetse atazi icyo azakora muri White House.

BBC dukesha iyi nkuru ivuga ko iki gitabo cyakozwe hagendeye ku buhamya bwa Steven Bannon ndetse n’abandi bantu basaga 200 babajijwe, gusa impuguke mu kwandika ibitabo zikaba zatangiye kunenga bimwe mu byanditsemo.

Iki gitabo cyatewe utwatsi na Trump akimara kumva ibyacyo, yavuze ko atigeze na rimwe yemerera uyu Steven kwinjira muri White House ndetse n’Ubuhamya yatanze kuri iki gitabo nta na rimwe yigeze abivuganaho na Trump.

Mu butumwa yanyujije ku rukuta rwe rwa Twitter kuri uyu wa Gatanu tariki 5 Mutarama 2018, Perezida Trump yikomye bikomeye uyu Bannon watanze amakuru ndetse avuga ko uwanditse igitabo atigeze avugana na nyir’ubwite (Trump).


Trump yateye utwatsi iby’iki gitabo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...