konka coffee
KONKA

AMAKURU

UKWEZI

Ubuzima bwa Perezida Mugabe buri mu kaga, yasubijwe mu bitaro igitaraganya

Ubuzima bwa Perezida Mugabe buri mu kaga, yasubijwe mu bitaro igitaraganya
10-07-2017 saa 10:02' | By Vincent Nsengiyumva | Yasomwe n'abantu 5550 | Ibitekerezo 1

Mu mpera z’iki cyumweru gishize Perezida wa Zimbabwe; umukambwe Robert Mugabe w’imyaka 93 y’amavuko, yajyanwe igitaraganya mu bitaro asanzwe yivurizamo muri Singapore nyuma y’uko ubuzima bwe butari buhagaze neza.

Kuri iki Cyumweru tariki 9 Nyakanga nibwo ibitangazamakuru byo muri Zimbabwe byatangaje amakuru y’ijyanywa mu bitaro igitaraganya ry’uyu mukambwe .

Ikinyamakuru Sunday Mail cya Leta cyanditse ko Perezida Mugabe yagiye gukoresha ibizamini by’amaso, ngo akaba ateganya kuzagaruka mu gihugu muri iki cyumweru dutangiye.

Abaturage bo muri Zimbabwe batangiye kwibaza byinshi ku buzima bw’uyu mukambwe ugeze mu za bukuru ariko akaba adakozwa kurekura ubutegetsi ngo yiruhukire, kuko muri uyu mwaka yakunze kujya kwivuza cyane dore ko no muri Gicurasi aheruka muri Singapole kwivuza.

Perezida Mugabe wagize uburwayi bw’amaso ndetse bikanahurirana n’uko akuze cyane, mu myaka ya 2011 na 2014 yabazwe amaso mu bitaro byo muri Singapore ariko kugeza magingo aya ntiyemeranya n’abamutunga agatoki bavuga ko ageze aho atagishoboye kubera imbaraga nke, dore ko muri Werurwe yafunze abanyamakuru 2 bashatse kugaragaza ko atagishoboye.

Perezida Robert Mugabe yakunze kumvikana avuga ko aziyamamariza kuyobora iki gihugu indi manda mu matora ateganyijwe mu mwaka utaha wa 2018 cyane ko n’umugore we Grace Mugabe aherutse gutangaza ko umugabo we agomba kuziyamamaza kabone n’iyo yaba yarapfuye ngo umurambo we uzagaragara mu bakandida.

Mugabe umaze imyaka 37 ku butegetsi yagiyeho mu 1980, mu gihugu cye ntihasiba kumvikana imyigaragambyo hirya no hino y’abamusaba ko yarekura ubutegetsi hakayobora ugifite imbaraga.

Source: The East African


INKURU ZA :
Tanga Igitekerezo
Ibitekerezo 1
SARUHARA NKOMOKOMO Kuya 26-07-2017

Uyu musaza ndamwera cyaneee azi gufata umwanzuro kandi akawuhagarara ho kandi burya umugabo ni uwo.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...