konka coffee
KONKA

AMAKURU

UKWEZI

Uganda:Perezida Museveni yise Bobi Wine umubeshyi udafite amakuru

Uganda:Perezida Museveni yise Bobi Wine umubeshyi udafite amakuru
7-10-2017 saa 15:50' | By Akayezu Jean de Dieu | Yasomwe n'abantu 4161 | Ibitekerezo 1

Mu gitondo cyo kuri uyu wa Gatatandatu tariki 07 Ukwakira 2017, hagaragajwe ibaruwa Perezida Museveni wa Uganda yandikiye Depite Robert Kyagulanyi (Bobi Wine) uhagarariye Kyaddondo y’Uburasirazuba amubwira ko ashobora kuba nta makuru Afite cyangwa ari umubeshyi ushaka guteza imvururu muri Uganda.

Inkundura idasanzwe yadutse muri Uganda hagati y’abadepite b’Ishyaka NRM riri ku butegetsi ndetse n’abatavuga rumwe nabo nyuma y’uko benshi mu baturage bagaragaje ko bashaka ivugururwa ry’Itegeko Nshinga kugira ngo hahindurwe ingingo yabuzaga Perezida Museveni kongera kwiyamamariza kuyobora Uganda muri manda itaha.

Hon Bobi Wine nk’umwe mu badepite batavuga rumwe na Leta ndetse akaba ari n’ufatwa nk’uyoboye iyi nkundura y’abadashaka ko Itegeko Nshinga rihindurwa, yagaragaye mu mvururu zidasanzwe na bagenzi be aho byageze aho guteza imirwano ikomeye mu Nteko Ishinga Amategeko ya Uganda. Bobi Wine yatawe muri yombi isnhuro zirenga imwe azira uku guteza imvururu no kudakozwa iby’ivugururwa ry’Itegeko Nshinga

Kuri ubu Perezida Museveni utari waragize byinshi avuga kuri izi mvururu zimaze iminsi ziri mu gihugu abereye umuyobozi kugeza ubu yashyize ahagaragara akamuri ku mutima ndetse ahishura uko abona uyu Bobi Wine wakomeje kwikoma abashaka guhindura Itegeko Nshinga avuga ko ubutegetsi bwa Perezida Museveni n’ishyaka rya NRM ahagarariye bukomeje guteza umutekanp muke ndetse ko benshi bakomeje gupfa by’umwihariko abagore bamaze iminsi bicwa mu buryo budasobanutse muri iki gihugu.

Mu ibaruwa igaragara ku kinyamakuru Daily Monitor , Perezida Museveni atangira ashimira uyu Depite Robert Kyagulanyi kuba yaratsinze amatora akiri umwana hakaba n’aho agera akagira ati “Mu by’ukuri imyaka 31 maze ku butegetsi nta mutekano muke by’umwihariko muri 2007 ubwo twari tumaze gutsinda intambara ya ADF mu kibaya cya Simliki, Abagande nibwo bagize amahoro kuva mu myaka 500 yari ishize. Ni byo koko hashize iminsi hariho ubwicanyi bw’abagore n’abana ariko niba twavuga ko UPDF (Ugandan Patriotc Defence Forces) ariko urabizi ko hari abakekwaho ubwo bugiz bwa nabi kandi ubu bagejejwe mu nkiko (Aha Museveni atanga ingero muri iyi baruwa)”.

Muri iyi baruwa kandi Museveni hari aho agera akavuga ati “Bobi Wine azavuga ku myenda igihugu cyagiyemo ikakigira abacakara? Oya Sibyo rwose ahubwo wowe umeze nk’ushobora kuba ubeshya cyangwa udafite amakuru “. Museveni asoza avuga ko n’ubwo hariho iyi ntambara yo kuvugurura Itegeko Nshinga (Age Limit Debate) we azagira icyo abivugaho mu gihe gikwiriye. Ndetse akavuga ko abagande bazakomeza kurwanya umuntu wese ushaka guhungabanya amahoro yabo. Inteko Ishinga Amategeko ya Uganda iherutse kuvugamo ingumi n’imigeri abandi barakomeretsanya bapfa ukutavuga rumwe ku ivugururwa ry’Itegeko Nshinga by’umwihariko ingingo y’102
Perezida Museveni w’imyaka 73 avuga ko Uganda yagize amahoro kuva yatangira kuyobora iki gihugu


INKURU ZA :
Tanga Igitekerezo
Ibitekerezo 1
sasa Kuya 8-10-2017

Ibi sinabihakana ko Americ itabikoze kuko ubwo yanagaga Bombe muri Nagasaki ntabwo ari ibishyimbo babahaga ahubwo nuko bifuzaga kubarangiza.

Kim ndamushyigikiye nanjye iyo ngira ubushobozi nari kujya kumufasha.

IGURIRE
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...