konka coffee
KONKA

AMAKURU

UKWEZI

Umudepite wanenze igitekerezo cya Perezida Magufuli yatawe muri yombi

Umudepite wanenze igitekerezo cya Perezida Magufuli yatawe muri yombi
5-07-2017 saa 11:56' | By Vincent Nsengiyumva | Yasomwe n'abantu 6187 | Ibitekerezo

Umudepite uyobora ishyaka rya Chadema (BAWACHA) ritavuga rumwe n’ubutegetsi bwa Tanzania, Halima Mdee, yatawe muri yombi nyuma yo kunenga bikomeye icyemezo cya Perezida Magufuli cyo kwirukana burundu abana batwara inda bakiri mu ishuri.

Depite Halima Mdee aherutse kwibasira Perezida Magufuli amubwira ko icyemezo cyo guha akato abana batwara inda bakiri mu mashuri ko yagihubukiye anashimangira ko no kuba baterwa inda byose biterwa n’ubuyobozi bubi butita kuri iki kibazo.

Kuri uyu wa Kabiri tariki ya 4 Kamena 2017, Umuyobozi w’akarere ka Kinondoni, Ally Hapi, yategetse igipolisi guta muri yombi Depite Halima Mdee, kubera gukoresha imvugo mbi yibasira Umukuru w’Igihugu.

Aganira n’itangazamakuru Ally Hapi yavuze ko impamvu nyamukuru yatumye Depite Halima Mdee atabwa muri yombi ko ari uko yatutse Perezida Magufuli ndetse anashimangira ko uyu Depite agomba kumara amasaha 48 aho bamufungiye.

Ubwo yaganiraga n’abanyamakuru ku biro bikuru by’ishyaka ritavuga rumwe na leta rya Chadema (BAWACHA) , Depite Mdee yavuze ko ibyo Perezida Magufuli yatangaje abantu bakwiye guhaguruka bakabirwanya bivuye inyuma.

Tariki ya 22 Kamena 2017 nibwo Perezida Magufuli yatangaje ko abana b’abakobwa bamaze kubyara batazajya bemererwa guhita basubira ku ishuri anasaba ko bigomba gutangira gukurikizwa.


Halima Mdee yatawe muri yombi ashinjwa kunenga icyemezo cya Perezida Magufuli


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...