konka coffee
KONKA

AMAKURU

UKWEZI

Kenya: Umuhanzi Jaguar yarwanye mu Nteko Ishinga Amategeko-VIDEO

Kenya: Umuhanzi Jaguar  yarwanye mu Nteko Ishinga Amategeko-VIDEO
10-10-2017 saa 15:50' | By Akayezu Jean de Dieu | Yasomwe n'abantu 4353 | Ibitekerezo

Umudepite Charles Kanyi wamenyekanye muri muzika ya Kenya nka Jaguar yateje imirwano mu Nteko Ishinga Amategeko y’iki gihugu aho yafatanye mu ijosi n’umudepite mugenzi we uherutse gufungwa azira kuvuga ko Kenyatta atari Perezida wa Kenya.

Iyi mirwano no gushyamirana hagati ya Jaguar n’uyu mudepite Babu Owino yabaye ku gicamunsi cyo kuri uyu wa Kabiri Tariki 10 Ukwakira 2017, aho muri iyi Nteko Ishinga Amategeko ya Uganda bari mu kiganiro mpaka kigamije kurebera hamwe uburyo itegeko rigene amatora ryavugururwa

Uyu muhanzi ndetse akaba n’umunyepolitiki, Jaguar yatorewe kuba Umudepite nk’umwe mu bakandida b’Ishyaka Jubilee riri ku butegetsi muri Kenya bivugwa ko yatewe umunabi no kuba uyu mudepite Babu Owino yatinyutse akavuga ko Uhuru Kenyatta atari Perezida wa Kenya.Ibintu we yavuze ko ari ugusuzugura Kenyatta ndetse bamwe mu bandi badepite barimo Benjamin Mwangi bakaba bahise bafatanya na Jaguar gucyaha uyu Babu bamubuza gukomeza gusuzugura Uhuru Kenyatta.

Uyu Babu Owino yari aherutse gufungwa tariki 25 Nzeri 2017, azira kuba yaravuze ko iki gihugu kidafite Perezida cyane ko kuri we abona Uhuru Kenyatta ari utita ku bintu. Nyuma y’ifungwa ry’uyu mudepite ryakurikiwe n’imvururu z’abigaragambyaga ndetse na Kaminuza ya Nairobi irafungwa cyane ko abanyeshuri bayo bagaragaye bigaragambya basaba irekurwa ry’uyu mudepite wanahoze ari umuyobozi muri iyi kaminuza.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...