konka coffee
KONKA

AMAKURU

UKWEZI

Raila yakajije umurego, ngo umunsi w’amatora azateza imyigaragambyo idasanzwe

Raila  yakajije umurego, ngo umunsi w’amatora azateza imyigaragambyo idasanzwe
19-10-2017 saa 15:47' | By Vincent Nsengiyumva | Yasomwe n'abantu 1933 | Ibitekerezo

Umuyobozi w’amashyaka atavuga rumwe n’ubutegetsi bwa Kenya (NASA), Raila Odinga, yavuze ko ku munsi w’amatora y’umukuru w’igihugu tariki ya 26 uku kwezi, azateza imyigaragambyo idasanzwe mu bice byose by’igihugu.

Ibi Raila Odinga yabitangaje mu ijambo yagejeje ku bayoboke b’ishyaka rye mu gace ka Kamukunji mu mujyi wa Nairobi, aho yanababwiye ko atazigera ahagarika ibikorwa byo kwamagana uburiganya bukorwa mu gihe cy’amatora kugeza ubwo bazumva ko bagomba kubikora mu mucyo.

Raila Odinga kandi yumvikanye yikoma abategura amatora ndetse n’ubuyobozi bw’ishyaka bahanganye Jubele riyoborwa na Uhuru Kenyatta, maze avuga ko nibatagaragaza impiduka mu mitegurire y’ibikorwa by’amatora ngo ntabwo ateze kuzakorwa.

Mu ijambo rye Raila Odinga yagize ati “ Icyo twe dukomeza gushimangira ni uko niba nta mpinduka nta n’amatora agomba kubaho ndetse ahubwo nta n’amatora ahari mu kwezi kwa Cumi.”

Odinga yavuze ko yiteguye kuzateza imidugararo mu gihugu hose kuwa 26 Ukwakira uyu mwaka ubwo muri iki gihugu hazaba hari ibikorwa by’amatora y’umukuru w’igihugu azaba ari gusubirwamo, nyuma y’uko ayari aherutse kuba bagatangaza ko Uhuru yayatsinze, yateshejwe agaciro kuko ngo atari yakozwe mu mucyo nk’uko Urukiko rw’Ikirenga muri iki gihugu rwabitangaje.

Odinga yatangaje ibi nyuma y’iminsi mike Uhuru Kenyatta avuze ko Leta ya Kenya itazihanganira uwariwe wese ufite umugambi wo gukoma mu nkokora ibikorwa by’amatora no guteza umutekano muke muru rubanda muri ibi bihe by’amatora.

Ibyo muri Kenya ariko bikomeje gutera urujijo kuko kuri uyu wa Gatatu tariki ya 18, aribwo umuyobozi mukuru wa Komisiyo y’amatora Dr Roselyn Akombe yatangaje ko yeguye ku mirimo ye mu gihe igikorwa cy’amatora cyaburaga iminsi ibarirwa ku ntoki ngo kibe.

BBC dukesha iyi nkuru ivuga ko uyu muyobozi wa Komisiyo y’amatora muri iki gihugu IEBC, Dr Roselyn Akombe ngo yatinye ibibazo by’umutekano muke bishobora kwibasira Kenya mu bihe by’amatora, maze atangaza ko yeguye ku mirimo ye.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...